المفروض الحامل ملهاش صيام طويل
ولا حتي قصير ولا لها صيام دهون ولا مياه
ولا ينفع صيام عصير.
الموضوع له علاقة بفهم الفسيولوجي للحامل ،
دي مرحلة الجسم محتاج بناء الأنسجة و عملية الصيام أو حتى الدايت عملية هدم.
الصيام الطويل على الحوامل أخطر من الكيتوجينك دايت
لان مستوي الجلوكوز بيقل اكتر و كمان مستوى الكيتون بيزيد اكتر،
في جسم مش محتاج اي حاجة من الاتنين في المرحلة دي،
ده جسم كل الهرمونات تدفعه نحو بناء الأنسجة لروح تانيه جواه.
بإختصار لازم الناس تفهم نقطتين،
مش معني ان العلم الكلاسيكي لم يدرس حاجة بعمق زي الصيام الطويل
بيحارب حاجة زي الكيتوجينك دايت لأسباب معينة
يبقى العلم الكلاسيكي المنهج العلمي غير دقيق في كل شيء.
بالاضافة الى ان فيه مجموعة من البشر الأكثر عرضة للمخاطر
مينفعش نجرب عليهم حاجة في شبهة خطر عليها
أو مدرسنهاش دراسة مكثفة زي الصيام الطويل،
المجموعة دي علي رأسها الحوامل، الأطفال
وكبار السن ، لان احنا بنعرضهم لخطورة.
