الرئيسية » الكيتوجينيك دايت » مكمل الماغنسيوم في الكيتو

مكمل الماغنسيوم في الكيتو

share this :

كتب د/ محمود الشيخ

مكمل الماغنيسيوم (اللي لا غنى عنه)
أنواعه ؟ وتجيب إيه ؟ وماتجيبش إيه ؟

طبعا إحنا عندنا في مصر ندرة في المنتجات اللي فيها ماغنيسيوم بس أصلا،

بس إحنا معانا ناس من دول عربية وأجنبية ده عندهم متوفر.

وإنت بتجيب مكمل الماغنيسيوم دور في المكونات على نوعه لو بتعرف تقرا إنجليزي

واللي مايعرفش من حقه يسألنا هنا طبعا أو أسرع يسأل الصيدلي اللي بيشتري منه على مكون الماغيسيوم في الدوا ده إيه

في أنواع كتير، في منها ينفع لأعراض معينة وفي أنواع لأ،

في نوع سريع الإمتصاص فيشتغل بسرعة يعالج العرض اللي عندك ونوع لأ وهكذا..

لما تبقى مشكلتك الإمساك:

يبقى تدور على تركيبة الماغيسيوم أوكسيد أو السيترات (mg oxide, or mg citrate)

وتبعد عالتركيبة اللي معاها كالسيوم كاربونات(calcium carbonate)

طب أنهي أقوى فيهم؟
الأوكسيد أقوى لكن إمتصاصه أبطئ..

لما تبقى مشكلتك الأرق:

يبقى تدور على تدور على تركيبة الماغنيسيوم جليسنات (mg Glycinate)

لما تبقى مشكلتك الذاكرة والنسيان:

يبقى تدور على التركيبة اللي فيها ماغنيسيوم إل ثريونات (L.threonate)

لما تبقى مشكلتك ضربات القلب غير المنتظمة وقصور في عضلة القلب:

دور عالتركيبة اللي فيها ماغنيسيوم أوروتات(mg orotate)

لما تبقى مشكلتك الشد العضلي:

يبقى الماغنيسيوم مالات وجليسنات (mg malate or mg glycinate)

طب مين أحسن فيهم؟

الجليسنات الأسرع إمتصاصا فشغله أسرع

ولذلك معالجين الرياضات المختلفة دايما بيبقى معاهم دهانات وإسبراي بيحتوي عالمادة دي تحديدا

عشان ينجز مع لعيب الكورة مثلا وينزل يكمل اللعب

لما تبقى مشكلتك حصوات الكلى والمغص الكلوي:

يبقى هتحتاج تركيبة الماغنيسيوم سيترات أو الكلوريد(mg citrate, or mg chloride)

لما تبقى مشكلتك تساقط شعر مثلا ولا مشاكل البشرة:

يبقى الماغنيسيوم جليسنات 
(mg glycinate)يفيد في نقص الكولاجين اللي بييصلح الحجات دي

لما تبقى مشكلتك ضعف عام في العضلات مش مجرد كرامبس بسيطة،

يبقى الأحسن الماغنيسوم مالات أو سلفات 
(mg malate or mg sulfate)

لما تبقى مشكلتك إلتهابات أو قرح معدة:

يبقى الماغنيسوم هيدروكسيد 
عشان المادة اللي فيه بتعادل حموضة المعدة
(mg hydroxide)

  • ••

طيب هل معنى كده إن أي نوع بتاخده مابيفيدش في كل ده؟

لا بيفيد ولو بنسبة بس لو توفرت التركيبة دي قدامك هتبقى أدق وأفيد وأسرع لإختفاء الأعراض.

share this :

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *