ممارسة الرياضة مع الدايت للحفاظ علي الكتلة العضلية .
لما بتبقى على أنظمة أخرى غير الكيتوجينك دايت ،
الجسم يفقد كتلة عضلية كبيرة مع نزول الدهون لانه مش بيدخل في الكيتوزيس
و بالتالي مصدر تصنيع الجلوكوز في الكبد يشارك فيه الأحماض الأمينية كمصدر أساسي ،
عكس ما تبقى في كيتوجينيك دايت عملية تكوين الجلوكوز تعتمد على الجليسرول كمصدر أساسي .
وكمان في حاجة اسمها metabolic adaptation .
الجسم بيتعود على تقليل معدل الحرق بتاعه بصورة أكبر من المتوقعة مع نزول الوزن .
نشرح النقطة دي .
معدل الحرق بتاعك يعتمد على وزنك ، سنك ، جنسك و درجة النشاط .
فرضنا لو وزنك ٩٠ كيلو و معدل حرقك ٢٥٠٠ في اليوم ،
المفروض لما تنزل 10 كيلو مثلا يقل معدل حرقك ٣٠٠ سعر حراري .
اكتشفوا إن مع رجيمات الربع زيتونة .
معدل الحرق بيقل اكتر مثلا لو نزلت عشرة كيلو يقل معدل حرقك ل ٦٠٠ سعر حراري في المقابل .
يعني الجسم على الريجيمات دي بيدخل في مجاعة. بالتالي بيقتصد في استهلاك الطاقة ..
للاطلاع راجع مقالات الريفيد :
معضلة الريفيد الجزء الأول :
معضلة الريفيد الجزء الثاني :
نستنتج من ده ان الرجيمات العادية ،
الدايت بالأدوية زي ال GLP 1 بيقللوا الكتلة العضلية مع تقليل السعرات
علشان استهلاك الأحماض الامينية في تصنيع الجلوكوز
و لازم تزود الكتلة العضلية علشان ترفع معدل الحرق اللي بيقل و تبني العضلات اللي راحت بالرياضة .
ليه ؟
عشان البروتين بتاعنا مناسب جدا لاعادة تكوين العضلات ،
بنعتمد علي الجليسرول في تصنيع الجلوكوز .
معدل الحرق بيقل بما يتناسب مع الوزن المفقود فقط .
يعني لو نزلت عشرة كيلو حنخس ال ٣٠٠ سعر بس . مش اكتر من كدة .
عندنا أربع أسباب بتحافظ على الكتلة العضلية في الكيتو .
١- الأدرينالين
٢- الكيتونات
٣-زيادة هرمون النمو
٤- تناول البروتين الجيد بكمية الكويسة .
طيب هل الرياضة مش مهمة في الكيتو ؟
بالعكس انا بشجع الرياضة جدا لاسباب كتيرة
و سنفرد لها جزء كبير من الاهتمام
١- زيادة الكتلة العضلية
٢- تحسين مقاومة الأنسولين
٣- زيادة كفاءة الجسم في إنتاج الكيتونات و استهلاكها
٤- تحسين الصحة الجسدية و النفسية .
الدراسة دي بتشرح آليات الحفاظ على العضلات في الكيتو .
https://www.ncbi.nlm.nih.gov/pmc/articles/PMC1373635/
ده مقال قديم اتكلمنا فيه عن فقدان الكتلة العضلية في الكيتو دايت :
