التمرين والكربوهيدرات في الكيتو

مفيش داعي لأكل اكربوهيدرات قبل التمرين carb load،

لإن عضلات جسمك بتقدر تستغل الأحماض الدهنية و الكيتونات كمصدر للطاقة.

الأول انت اول ما حتخش في الكيتو، حتحس بالاجهاد شوية،

و مش حتقدر تشيل الاوزان اللي كنت بتشيلها الأول. 

بعض الناس بتنصح بلاش رياضة لحد ما تعدي اعراض الكيتو فلو. 
بس انا شايف انك تقدر تلعب على قدر طاقتك، بأوزان صغيرة و مرات اقل. 

ولو حتلعب كارديو بلاش تلعب HIIT. في الاول،

العب moderate intensity. 
اهتم بتناول الاملاح زي ما شرحنا في مقالات الأملاح والكيتو فلو .

لحد ما تعدي الكيتو فلو، حترجع طاقتك افضل تدريجياً،

بعد شهر حتلاقي نفسك بتشيل افضل من الاول بكتير. 
ارفع نسبة البروتين معاك لحد 35 % من سعراتك. 

بلاش تستخدم  واي بروتين او أي بروتين شايكس، خد بروتين من المصادر الطبيعية. 

قبل التمرين بساعتين كل الوجبة بتاعتك،

لو ظروفك ما تسمحش يبقي خد بولت بروف، يفضل تستعمل MCT أو زبدة جوز الهند. 

لو جعت بعد التمرين كل وجبة كاملة بلاش تاخد سناكس.