أتكينز دايت

كتبت د. ساره يسري

 

الأتكنز ٤ مراحل:

 

المرحله الاولى induction phase:

 

كيتو ستريكت جدا بدون حساب للدهون ولا البروتين فقط حساب الكارب و دي بتكون البدايه..

 

 المرحله التانيه  ongoing weight loss

 

بتبدء تزود ٥ جرام كارب اسبوعيا الى ان تصل للحد الحرج،، يعني ايه؟؟

يعني انت زودت اول اسبوع ٥ جرام ف بقيت تاخد ٢٥ جم كارب ،،

وزنت اخر الاسبوع لقيت نفسك خسيت ف تزود ٥ جرام تاني الاسبوع اللي بعده،،

 بقو ٣٠ جم ووزنت لقيت نفسك بردو خسيت ف تزود وهكذا الى ان تصل للحد الحرج اللي هو الرقم اللي نزول وزنك توقف او زاد بسببه .. مثلا ٥٠ جم ،

زودت الى ٥٠ ولقيت الوزن ثبت تقوم مقلل ٥ جم تاني وتستمر على الكميه دي الى ان تخس اللي انت عايزه و دي كده المرحله التانيه..

 

المرحله التالته premaintenance

 

 دي مرحله ماقبل التثبيت ،، بتزود فيها الكارب ١٠ جم اسبوعيا مع زياده المصادر بردو وبتتابع وزنك ،

هتكون عارف ان الوزن اصلا في المرحله دي بينزل ببطئ..

كميه الكاربوهيدرات اللي هتزود وزنك ، هتقلل عنها ١٠ جم وتستمر في المرحله دي ..

مثلا وصلت ل ٨٠ جم كارب لقيت وزنك زاد ، تكمل ب ٧٠ جم فقط..

 

المرحله دي بتوصلها لما يكون فاضل على هدفك ٥ كيلو مثلا او اقل،،

 الهدف منها نزول الوزن بالراحه علشان ماتفكرش في الوزن وتبقى بمثابه تدريب ليك على تغيير اللايف ستايل بعيد عن نزول الوزن..

 

المرحله الرابعه maintenance

 

 بتزود فيها الكارب للحد اللي ولا ينقص وزنك ولا يزوده..ويبقى دا اللايف ستايل بتاعك

التفريق بين الحد الحرج للكارب في تنزيل الوزن و في التثبيت بيبقى صعب ومحتاج دقه منك..

 

دا الاتكنز باختصار والكيتو هو المرحله الاولى من الاتكنز وهو مش مراحل هو نظام مستمر من اللحظه الاولى الى ان توصل لهدفك بعدها تقرر هتكمل كيتو لايف ستايل او هتبقى لو كارب

 ساعتها هتشوف الحد الحرج من الكارب اللي محتاجه للتثبيت بنفس الطرق اللي فوق وتمشي عليه