طيب مبدئياً علشان نشخص واحد ما قبل السكري.
1- تحليل سكر صايم . و عشوائي ..
يبقي يا اما سكره صايم من 100 الي 125 ده تابع الجايدلاينز الأمريكية .،
بعض الناس زي بريطانيا واستراليا بتقول من 110 الي 125.
يا ما عشوائي بين 140 الي 200،
الشرط في تحليل السكر الصايم انه يكون صايم 6 الي 8 ساعات بعد وجبة عادية تحتوي على الكربوهيدرات ( مش كيتو)
و بالتالي الشخص اللي علي الكيتو، حيبقي تحليله عشوائي علي طول.
طبعاً التشخيص بيرتبط بإعادة التحليل مرتين.
2- انه يعمل حاجة اسمها OGTT
وده اختبار بيتم قياس السكر صايم ،
بعدين المريض يشرب 75 جم جلوكوز و نقيس السكر بعد ساعة
و بعد ساعتين و بناء على القياس اللي بعد ساعتين والصايم بنحدد التشخيص
طبعاً برضه لو انت كيتو يبقي ده حيخرجك من الكيتوزيز و ممكن يعملك مشاكل لان كمية الكربوهيدرات عالية جداً و سريعة الامتصاص.
3- تحليل التراكمي HbA1C
وده تحليل بيقيس متوسط السكر في الدم آخر 3 شهور، وده مقبول بالنسبة لنا معشر الكيتونين.
المفروض النسبة تكون من 6 الي 6.5، علشان يبقي ما قبل السكري.
الخلاصة.
يا عشوائي، يا تراكمي.
هل فيه اعراض تدل اننا في مرحلة ما قبل السكري.
للأسف لأ.
ولكن وجود مقاومة للأنسولين كافية تعرفنا ان فيه مشكلة يا اما موجودة،
يا اما تنتظرها في القريب العاجل
