ارتجاع المريء و الكيتو دايت

كتبت د. ساره يسري 

 

 

🔥🔥الحموضه وارتجاع المريء مع الكيتو🔥🔥

♦️لما بتاكل الأكل بيوصل للمعده عن طريق المريء ، طيب ليه لما بتاكل كتير الأكل مش بيطلع تاني من المعده للمريء ؟

✅لان في صمام في نهاية المريء عند اتصاله بالمعده ، الصمام دا بيتفتح لما الأكل بيكون متجه للمعده ( بعد البلع ) مش العكس ..

بالتالي بيمنع أي حاجه في المعده ترجع تاني للمريء..

♦️♦️ارتجاع المريء : هو ارتجاع او ارتداد الحمض من المعده للمريء نتيجة ضعف الصمام LES ، بيسبب ألم وحرقان و حراره في الصدر..

♦️طيب ليه الحمض ده مش بيسبب ألم في المعده  ؟؟

✅المعده عليها طبقه واقيه بتمنع الحمض ده انه يؤذيها . بالتالي مش بنحس بألم بالرغم من استمرارية وجوده ،،،

لكن المريء مش عليه أي حاجه تحميه من الحمض ده بالتالي بنحس بحرقة المعده أو الحموضه   ..

🛑🛑لحظه كده ✋🏻✋🏻 يعني الحموضه دي بسبب ضعف الصمام ولا بسبب زيادة الحمض في المعده ؟

✅الوسط في المعده حامضي بل شديد الحموضه ،، لأن الوسط الحامضي دا هو اللي بيسمح ببداية هضم البروتين والدهون ،،

بالتالي المشكله ليست في الحمض أساساً . بالعكس قلة الحمض ده ممكن تسبب مشاكل وممكن تكون سبب من أسباب ارتجاع المريء  !!

♦️ليه قلة الحمض ممكن تكون سبب لارتجاع المريء ؟

✅لان الحمض ده ليه دور مهم في هضم الطعام ،، لو قل هتقل كفاءة هضم الأكل وهيفضل الأكل في معدتك مده أطول .

♦️إيه أهم أسباب ارتجاع المريء ؟

 

➖عدوى جرثومة المعده

➖الضغط العصبي

➖الوزن الزائد

➖بعض الادويه زي المسكنات

➖الأكل الغير صحي

➖التدخين والكافيين بكثره والكحوليات

➖الحمل

➖عسر الهضم

♦️كل اللي بيحصل له حموضه عنده ارتجاع مريء ؟

✅لا طبعا الحموضه عرض وارد وشائع لكن علشان تتشخص ارتجاع لازم يكون متكرر بكثره أو دائم … الفحوصات بتظهر ان في ارتجاع مريء

♦️هل أدوية الحموضه خطر ؟

✅هي مش خطر لو هتستخدمها بشكل عابر عند اللزوم ،، لكن لو هتتستخدمها على طول مش هتكون اختيار صحي ،، هي بتقلل إفراز الحمض في المعده أو بتعادله..

بالتالي ممكن هي في حد ذاتها تكون سبب لتدهور الأمور لان انت هدفك مش تقليل الحمض وتغيير وسط المعده من الحمضي للمتعادل او القلوي ،

هتلاقي العرض بيتعالج بشكل مؤقت والسبب الرئيسي بيزيد

🛑ايه الحل؟؟

❤️اعمل كيتو ❤️

⭕️بس الدهون ليها تأثير سلبي على حالات الارتجاع .. أو ممكن تكون مسبب . ده اللي كلنا عارفينه   ❗️!!

✅ بصراحه الدراسات اللي اتعملت على الدهون وتأثيرها على الارتجاع كلها غير مبشره ،،

بس بقليل من البحث لقيت ان كلها _ بدون استثناء _ وكلامي شامل اخر دراسه اتعملت في ٢٠١٨ ، معموله تحت مسمى ♦️تاثير الحميه عالية الدهون على ارتجاع المريء ♦️لكن هي للاسف مش متطبقه بنظام الكيتو ولا بنظام صحي أصلاً ..

تطبيق الدراسات دي اتعمل بـ انه ادى للناس وجبه ٥٠٪؜ دهون غير محدده المصدر صحي او لا كحد اقصى و ٣٠٪؜ كارب غير محدد مصدره صحي او لا كحد ادنى..

النتايج كانت ان الدهون ليها تاثير سلبي على ارتجاع المريء ❗️

✅طبعاً دي دراسات لا يؤخذ بيها في الكيتو كنظام صحي ليه قواعد إجباري تتنفذ ..

على الجانب الآخر ظهرت دراسات تهتم بالدهون فقط وتأثيرها على الارتجاع وكانت نتائجها إيجابيه ،،

الناس بتتحسن و بيوقفو الادويه والدراسه بتقول ان الدهون ليس لها أي تاثير سلبي على الارتجاع

دا لينك لامثله من الدراسات اللي نتايجها ايجابيه 👇🏻

https://www.ncbi.nlm.nih.gov/pubmed/10235191

 

https://www.ncbi.nlm.nih.gov/pubmed/27582035

 

♦️هل الكاربوهيدرات ليها تأثير سلبي على ارتجاع المريء ؟؟

✅فعلاً . و ده راجع لصعوبة هضم الكارب،، فـ بتفضل في المعده مده أطول،، بيحصل لها تخمر وبتزود الحموضه..

دي دراسه عن تأثير الكاربوهيدرات السلبي على مريض ارتجاع المريء 👇🏻👇🏻

https://www.ncbi.nlm.nih.gov/pubmed/29339035

♦️هل فعلاً لازم آكل وجبات صغيره قليلة السعرات ومسلوقه ؟؟

✅الوجبات قليله السعرات المسلوقه مالهاش تأثير مباشر على الارتجاع زي ماهو موضح في الدراسه دي 👇🏻👇🏻

https://www.ncbi.nlm.nih.gov/pubmed/11148443

 

عن تجربه شخصيه زمان ماكنتش بقدر أنصح مريض الارتجاع بشكل مباشر بالكيتو لعلاجه ،، النهارده وبعد قليل من البحث اللي كان دعم لتجربتي الشخصيه وكان تأكيد لتجارب كل المحيطين بينا

أقدر أقولك .. إذا بتعاني من الحموضه المتكرره أو ارتجاع المريء ، الكيتو علاج ليك هيخليك تستغنى عن كل الأدويه فعلياً..  لإنه ببساطه منعك من أهم مسببات الحموضه زي زياده الوزن والأكل الغير صحي والكارب.

♦️طيب الناس اللي بيشتكو من الحموضه مع الكيتو ؟؟🤔🤔

أولاً : تأكد ان مفيش عندك جرثومة المعده و دا بيتم عن طريق الكشف والفحوصات ..✅

ثانياً : (راجع أكلك ) ✅

في أكلات بناكلها لازم تعمل حموضه و دي بتختلف من شخص للتاني ،، ده بيكون تحسس من جسمك للأكله دي تحديداً فـ  تجنبها.

أكثر الاكلات دي شيوعاً (على سبيل المثال لا الحصر):

بعض أنواع الأجبان (الشيدر والرومي والجوده …)

القهوه والشاي والبوليت بروف

الزيوت الغير صحيه

المعلبات كلها بسبب المواد الحافظه

اللحوم المصنعه

البهارات والشطه

✅اعرف الحاجه اللي بتسببلك حموضه بشكل عام و ابتعد عنها ..

ثالثاً : التزم بالكيتو وبالأملاح ومفيش مانع من معلقة خل تفاح قبل الأكل أو مع الأكل بأي طريقه تحبها و اتأكد انك لو التزمت الموضوع هيبقى مجرد عرض مؤقت.

رابعاً : ابعتد عن الأكل قبل النوم ،، لازم تدي فرصه لجسمك قبل النوم انه يهضم وتنام بشكل صحي