كتبه : جون بادي
الكيتو فى الصيام صعب لكنه غير مستحيل
خصوصا فى الصيامات اللى فيها أسماك …
طبعا بتزداد الصعوبة و يصل لدرجة الإستحالة أحيانا فى الصيامات اللي مفيهاش سمك حتى
لكن خلينا نحط الخطوط العريضة
مصدر البروتين هيكون السمك طبعا كل انواع السمك معانا و حط عليها زيت زيتون
كُل سلاطة خضرا عليها القليل من الطماطم و حط عليها برضو زيت زيتون
كل الخضار اوك ما عدا البسلة و الجزر و القلقاس و البطاطس بلاشهم و كمان حط عليهم زيت زيتون
اشرب مياه كتير بقدر الامكان و زود ملح علي الاكل
و اشرب كل المشروبات بدون سكر و ممكن تشرب كوب ليمون بالنعناع يومياً…
ممكن تحط زيت جوز الهند على القهوة كـ بولت بروف
و لك فى القليل من المكسرات المسموحة خيرٌ كثير من دهون صحية
الأفوكادو ممتاز…كل واحدة يومياً إذا استطعت لذلك سبيلاً
حسيت ان الموضوع صعب عليك بالشكل ده و حابب تدخل حاجات زيادة تنفع ك low carb مش كيتو
ف ممكن تاكل القليل من الفول المدمس المصرى و طبعا عليه زيت زيتون…
ممكن نصف بطاطا…لا مانع من القليل من البطاطس المهروسة
حتى لو هتبقى low carb و هذا أضعف الإيمان تجنب تماماً الفواكه ف بها سكر يضر جسدك و عقلك
و أخيراً و ليس آخراً، عليك يا ولدى بالصيام المتقطع حتى تفقد وزنك و تظبط ضغطك و سكرك و تحمى قلبك و تعيش سعيد فى تبات و نبات ..
