ارتفاع الكوليستيرول مع الكيتو دايت

فيه كذا نظرية في ارتفاع ال LDL،

النظرية الأولي ان الخلايا الدهنية بتشيل الكوليسترول، زي ما بتحتفظ بالدهون الثلاثية

وبالتالي أثناء التخسيس بيرتفع ال LDL و لما وزنك بيوصل للمثالي بيرجع للطبيعي. 

 

النظرية التانية ان الجسم زي ما بيغير نظام حرقه من كربوهيدرات لدهون،

بيزود النواقل اللي بتنقل الكوليسترول علشان يقدر يمد الجسم بأكبر كمية من الطاقة،

علشان كدة مع الهاي كارب ال LDL بيقل، انما مع الكيتوجينك دايت و مع الصيام بيزيد ال LDL بيزيد ال HDL.

 

 

النظرية التالتة ودي وأنا مقتنع بها، ان ارتفاع ال LDL, HDL الكوليسترول عموماً

ناتج عن تأثير الدهون المشبعة و ان الدهون الغير مشبعة بتقلل ال LDL. 

ال LDL اللي في نتيجة التحليل مش بيتقاس في المختبر، ده بيتحسب من مجموع الكوليسترول وال HDL. و الدهون الثلاثية وبالتالي ليس دقيق للتعبير عن قيمة ال LDL الحقيقة. 

 

اللي بيعبر عن رقم ال LDL حاجتين يا اما LDL particle أو APO B.

 

كمان حتي LDL P ده فيه نوعين large particle أو A وده نوع صحي، و small particle وده الضار. 

 

وبالتالي التحليل ده لا يدل عن كمية الجزئيات الضارة في LDL،

لازم تقيس العدد الحقيقي و تقيس نسبة الجزئيات الصغيرة الضارة small particle

علشان تقدر تقول والله الكوليسترول الضار عالي. 

 

طيب هل لو جزئيات الكوليسترول الضارة عالية كافية لحدوث انسداد في الشريان او تصلبات.؟ 

الحقيقة علشان يتحول ال LDL لمركب ضار لازم انه يتأكسد أو يحصل التهاب في الشرايين

ينتج عن زيادة التهامه و ترسيبه في الشرايين. 

 

 

طب ده بيحصل ازاي؟ 

بيحصل لما يتغير شكل جزئي ال LDL و الكبد ميعرفش يتخلص منه،

وده في حالة التدخين oxidised LDL,

أو ارتفاع السكر glycated LDL أو ارتفاع الدهون الثلاثية. 

 

يعني حتي لو فيه ارتفاع في الكوليسترول الضار وأنت مش بتدخن ولا سكرك عالي و لا الدهون الثلاثية عالية،

احتمال تأثيره عليك بسيط جداً. 

طيب ازاي نعرف ان LDL مأثر عليا أو فيه خطورة   ؟

فيه اختبارات بتبين مرونة الشرايين بتاعتك زي حاجة اسمها 
Carotid intimal thickness. 
وكمان حاجة اسمها 
Coronary artery calcium scoring. 

فيه كمان كذا حسبة تبين مدي الخطورة زي 
QRISK 3 score, 
وفريمنجهام و غيرها. 

 

القصد لازم نبص للصورة كاملة مش مجرد رقم LDL

بالمناسبة. 

اللي بيحول الLDL لجزئيات ضارة تناول الكربوهيدرات

لانه بيرفع الجلوكوز والدهون الثلاثية. 

 

الكيتو بيزود ال HDL و بيقلل الدهون الثلاثية

و كمان بيحول LDL small particle الي LDL large sized اللي بيعتبر صحي