مريض السكر من النوع الأول لازم يفضل على Basal insulin
أما بالنسبة لمريض السكر من النوع التاني ::
بيعتمد قرار توقيف الأنسولين في الأساس على كفاءة البنكرياس بتاعهم
بمعني كمية خلايا بيتا اللي لسه ما اتدمرتش و قادرة علي انتاج انسولين.
دي نعرفها ازاي؟
من التاريخ المرضي،
واحد بقاله عشرين سنة عنده سكري و جرب كل انواع الأدوية المخفضة للسكر قبل الانسولين
غير واحد لسه متشخص من سنة و بادئ انسولين.
واحد اول تشخيصه كان داخل في حموضة في الدم DKA
غير واحد راح يعمل سكر عشوائي بدون اعراض قالوله عندك مرض السكر.
واحد سكره متلخبط و بياخد جرعات عالية من الأنسولين،
غير واحد بياخد 3 وحدات الصبح و سكره مظبوط.
طيب نعالجهم ازاي؟
1- لازم المريض يبقي عنده جهاز سكر في البيت.
2- لازم المريض في الفترة الأولي يبقي واعي لأعراض انخفاض السكر وعارف يتناول ايه لعلاجه
3- انا بفضل أغير المريض علي لانتوس قبل ما ابدأ النظام، بس لو مش ممكن يبقي عادي.
4- اول ما ببدأ بنقص الجرعة ل 50% مع اول يوم
و بخلي المريض يقيس لي 4 مرات علي الأقل في اليوم
( قبل النوم و قبل كل وجبة، ساعات بخليهم 7 مرات كمان بضيف قياس بعد الأكل بساعتين)
5- المعيار عندي مش الكيتوزيز، المعيار تحليل السكر في الدم
وبالتالي، التارجت بالنسبة لي ان السكر يبقي تحت 110 في الأول.
6- كل ما المريض بيتحسن كل ما بقلل الانسولين و بقلل التارجت معاه،
علي حسب عمره و مشاكله الصحية و استجابته،
مثلا واحد عنده 70 سنة مش زي شاب عنده عشرين سنة.
7- ادوية الضغط . بقلل الجرعة من الأول للنص
و بوقف مدرات البول لو مش شايف لها فايدة ( مثلاً بياخدها للضغط مش علشان القلب)
8- مش ببطل ال statin لو كان بياخده ك secondary prevention،
انما لو بياخده كوقاية بعيد له QRISK score 3 او 2 واقرر حينفع معاه ولا لا.
9- طبعاً بعمله التحاليل المبدئية. للكلى ، الاملاح ، HBA1C والدهون و ساعات CRP و حاجات تانية و بعيدها كل 3 شهور.
10- لما بقرر اوقف الانسولين بيبقي المريض احتياجه من الانسولين بقي اقل من عشر وحدات في اليوم،
بدخل الميتفورمين. واوقف الانسولين.
11- بعد توقيف الانسولين، النموذجي المفروض 14 يوم او اكتر، اعمل تحليل
C peptide, insulin
يفضل صايم طبعاً، مع تحليل سكر واحدد كفاءة البنكرياس.
12- لو خايف علي العيان يدخل في DKA
ممكن اعمل التحاليل بعد 3 ايام علي طول من تبطيل الأنسولين.
13- استجابة المريض للنظام هي اللي بيتحدد لي حمشي معاه ازاي،
ساعات بزود الانسولين و ساعات بدخل الميتفورمين من الاول
و ساعات بمشيهم علي فيكتوزا جنب الدايت.
