الفرق بين نظام الكيتو دايت و قاراطاي

الفرق ببساطة ان القارطاي رغم انه نظام قليل الكربوهيدرات

ولكن كمية الكربوهيدرات اعلي من الحد اللي ممكن يسمح لجسمك بدخول الكيتوزيز،

القارطاي مش قائم علي سند علمي قوي الا ان اغلب الطعام المسموح فيه هو طعام حقيقي غير مصنع عالي القيمة الغذائية،

كمان بيشترط الصيام المتقطع من أول يوم في النظام، نوع بنسميه restricted time fast.

المعروف ان اي تقليل في كمية الكربوهيدرات حتساعد في نزول الوزن،

فكونه بيقلل الكربوهيدرات و بيعمل صيام متقطع

فبالتالي معظم الناس اللي مقاومة الأنسولين مش عالية، ممكن تنزل وزنها باتباع القارطاي او غيره من أنظمة اللوكارب

 ولكن بيفضل نسبة أجسامها عنيدة نتيجة للمقاومة العالية،

دي الكيتو بينفع معاها، ناهيك طبعاً على فوائد عديدة للكيتو جنب نزول الوزن.

الكيتوجينك دايت بيشترط تقليل الكربوهيدرات الي الحد اللي يقدر جسمك يدخل حالة الكيتوزيز،

كمان بيشترط الحفاظ على مستوي انسولين ثابت بدون ارتفاع ناتج عن الطعام المحفز لإفرازه علشان كده بنهتم مش بس بعدد جرامات الكربوهيدرات بنهتم بجودتها.

ممكن القاطاري يدخلك في الكيتوزيز اثناء الصيام المتقطع ولكنه لا يحافظ علي ديمومة حالة الكيتوزيز زي الكيتوجينك دايت.

طب ليه في الكيتوجينك دايت بنحاول نحافظ علي ان يظل الجسم في خندق الكيتوزيز؟

 

لإن وضع الجسم في الحالة دي، بيقدر يحرق الدهون الداخلية بكفاءة،

بيحسن كفاءة الأنسولين و بيعالج اغلب الأمراض المتعلقة بالسمنة و غيرها،

بيوصل الجسم مع ديمومة الكيتوزيز إلي مرحلة التعود علي الدهون،

المعروفة علمياً بالفات ادابتدد fat adapted ودي مرحلة بيقدر الجسم يهضم الدهون بكفاءة عالية زي ما بيهضم الكربوهيدرات.

الخلاصة ..

قد يكون القارطاي نظام متساهل نوعاً ما،

ممكن يحقق نزول في الوزن عند البعض

ولكن الكيتو حيقق نزول أكتر عند أغلب الناس و حتستفاد منه صحياً أكتر.