الأول الأدوية من حيث طريقة عملها بتنقسم لنوعين.
1- أدوية بتحفز افراز الانسولين
و دي يفضل مع أول الكيتو توقفيها نهائي
أو علي الاقل لازم تتابع مع الطبيب المتخصص علشان يقللها.
زي مجموعة السلفونايل يوريا،
أشهرهم في مصر الدوانيل، الجلكلازيد، الدايمكرون و الأمريل.
أنا مش بحط مريض السكري عليها الا في الضرورة القصوى
وأول دواء بوقفه لو سكره قل عن الطبيعي أو حصله غيبوبة من السكر.
( الأدوية دي طبيعي حتخرج من الكيتوزيز و بتزود الوزن زي الأنسولين)
2- مجموعة الميجاجليتانيد
دول شبه اللي فوق، بس بيتاخدوا مع الأكل زي البراندين والستارلكس والأدوية دي مش موجودة في كل الدول.
3- الانسولين بأنواعه
و طبعاً غني عن التعريف.
أدوية بتحسن مقاومة الانسولين و لا تزيد افرازه.
دول أدوية تنفع مريض السكري يكمل بيهم لحد ما ربنا يكرمه و يتظبط السكر بتاعه.
1- الميتفورمين ، أو الجلوكوفاج
بيشتغل علي منع افراز الجلوكوز من الكبد و تقليل امتصاص الكربوهيدرات من الجهاز الهضمي و تحسين دخول الجلوكوز للخلايا.
2- الأركابوز أو الجلوكوباي
ده دوا بيتاخد مع الأكل و بيشتغل علي انزيم هضم الكربوهيدرات فبيمنع امتصاصها.
3- الأكتوز
ده دوا بيحسن مقاومة الأنسولين و لكن بيخزن مياه في الجسم
4- مجموعة GLP1 أشهرها الفيكتوزا و التروليستي.
دي مجموعة محترمة بتزود الشبع و بتحسن مقاومة الانسولين .
5- مجموعة SGLT2
زي الجوردانس و الفورسيجا و الانفوكانا ودول بينزلوا الوزن
و مهمين في المرضي اللي عندهم فشل في عضلة القلب
و لكن ممكن يسببوا حموضة في الدم ketoacidosis.
فأنا ببطلهم دايماً لمرضي اللي علي الكيتو.
6- مجموعة ال DDP4
زي الجانوفيا و الينيجلبتين، فالداجليبتين،
بلاقيهم دايماً مع الميتفورمين في كبسوله واحدة زي جلكومت، جلفاسمت،
دول بيشتغلوا علي الانزيم اللي بيكسر ال GLP1 و بالتالي بيفضل في الدم مدة طويلة شوية.
نسبياً تأثيرهم محدود و مش بنعتبرهم ادوية قوية ولكن ادوية مقبولة و أمنة.
يبقى بالنسبة للأدوية اللي بتفرز الانسولين
و معاه ال SGLT2 يفضل تتابع مع متخصص
لانهم عرضه لانخفاض السكر او المضاعفات التانية
باقي الادوية كيتوفربندلي.
