الكبد الدهني NAFLD 🤔
مرض الكبد الصامت، اللي فيه بيعيش الواحد فينا بدون أي أعراض بحالة يطلق عليها كسل الكبد.
وفجأه بيكتشف ارتفاع في وظايف أو إنزيمات الكبد.
واللي برضه خطورته بتظهر فجأه في شكل تليفات الكبد وممكن توصل لـ فشل في الكبد و سرطانات. عافاكم الله 🤲
مرض لقوا انه بيكلفهم في الولايات المتحدة 100 بليون 💵 سنوياً. كـ مشكلة صحيه لها توابع ومخاطر كتير.
وملهاش أي علاج معتمد أو أوديه معينه تقلل أو تعالج الدهون المتراكمة في أو على الكبد. 😥
مخاطر الكبد الدهني
تتمثل في كونه سبب رئيسي في أمراض زي السكري، ارتفاع ضغط الدم، متلازمة الأيض، أمراض الكلى..
عند مرضى السكري. وجود دهون الكبد بتزود جداً من مخاطر الجلطات ومشاكل القلب والجهاز الدوري.
مين أكتر ناس معرضه لتراكم الدهون في/على الكبد؟
* الناس اللي وزنهم زايد عن الطبيعي، يعني BMI>25
وخصوصاً لو في تراكم للدهون في منطقة البطن، الجسم اللي بياخد شكل التفاحه.
*مرضى الضغط، السكر، الكوليسترول الضار، المدخنين.
* تناول سكر الفاكهه ” الفركتوز ” واللي الجسم مبيعرفش يتعامل معاه وبيحوله لدهون على الكبد مباشرة..
إزاي بيتم تشخيص دهون الكبد؟
- بتحليل إنزيمات أو وظايف الكبد.
2. بفحص البطن عن طريق الموجات فوق الصوتيه.
الدراسه اللي هنتكلم عليها دلوقتي. خرجت للنور من فتره قريبه . وعملت ضجه في الأوساط العلميه بنتايجها المبهره 😊
الدراسه أكدت تحسن كبير و ملحوظ في مؤشرات الكبد الدهني. على شكل نزول في تحاليل وظايف الكبد للمعدل الطبيعي،
وتحسن ملحوظ في فحص الموجات الفوق صوتيه. خصوصاً عند مرضى السكري من النوع ٢.
اكتشفوا في الدراسه دي بعد سنه من اعتماد المرضى دول على الكيتو دايت. و نزول أوزانهم بحدود 12٪ :
⬅️ تحسن بنسبة 67 ٪ في سكور تليف الكبد.
⬅️ الناس اللي بدأت وكان عندهم ارتفاع شديد في إنزيم الكبد ALT.. رجع للطبيعي في 61 ٪ بعد سنه.
وكذلك الإنزيمات التانيه زي AST, ALP.
⬅️ تحسن كبير في تحليل السكر التراكمي HBA1C، و نزوله تحت المعدل الطبيعي في 60 ٪ من مرضى السكر من النوع الثاني.
وكمان في كل من
Fasting glucose, fasting insulin, HOMA-IR, Triglycerides
و زياده في نسبة الدهون الصحيه HDL.
⬅️ تحسن ملحوظ في 22 من 26 عامل مسبب لمخاطر القلب والجهاز الدوري زي الجلطات و خلافه..
⬅️ فحصوا عينات من خلايا الكبد بعد 6 شهور من الكيتو دايت، لقوا إن الخلايا اللي كان متراكم فيها دهون،
رجعت طبيعيه جداً وصحيه جداً وبتقوم بوظيفتها بشكل طبيعي..
⬅️ مرضى الـ Metabolic Syndrome. واللي بيمثلوا 80 ٪ من مرضى الكبد الدهني. لقوا عندهم تحسن ملحوظ جداً في كل أعراضهم من ضغط، و سكر، و مقاومة إنسولين و دهون البطن..
خلاصة القول 😊
الريجيم قليل الكربوهيدرات ، عالي الدهون ، معتدل البروتين. المدعو الكيتوجينيك دايت.
أثبت فاعليه كبيره في علاج دهون الكبد و تقليل مخاطره و توابعه..
لتفاصيل أكتر 👇 يرجى الإطلاع على الدراسه المرفقه :
https://bmjopen.bmj.com/content/9/2/e023597