صيام الإخوه المسيحيين

كتب د / مينا سامى شفيق

الإخوة المسيحيين

بعد مطاردات على الجروب و صفحتي الشخصية 😂

يوم الاثنين صوم يونان و بعدها بأسبوعين هيبتدي الصوم الكبير كل سنة وإحنا طيبين 😊

نظرا لتكرار السؤال هل ينفع الكيتو مع الصيام؟

هل حد عمل كيتو مع الصيام و نجح؟

و الإجابة أيوه طبعا ينفع

 

و في ناس في العالم عايشين vegan keto

يعني كيتو من غير أي لحوم أو سمك

بس دول قليلين بصراحة و أغلبهم هنود

 

هنا كل وجبتين في اليوم

واحدة فيهم ثمن كيلو مكسرات أو سوداني

 التانية طبيخ أو أي حاجة من الخضروات أو الوصفات

 

إحنا محتاجين :-

٧٠٪ دهون

٢٥٪ بروتين 

 ٥٪ كارب

🔴 الدهون هناخدها من

🔹 زيت الزيتون

🔹 زيت الجوز هند

🔹 المكسرات

🔹 السمسم، بذر الكتان، بذور الشيا

🔹 الأڤوكادو

🔴 البروتين من

🔹السوداني (فيه بروتين كتير)

🔹 المشروم

🔹 مكسرات و بذر الكتان و السمسم

🔹 السبانخ

🔹 التوفو (لمن استطاع إليه سبيلا)

و نكمل وجباتنا

🔵 بالخضروات :

الخس ، الجرجير ، السبانخ ،

الكوسة ، البامية ، الفاصوليا الخضراء ،

الباذنجان الملوخية ، الكرنب ،

القرنبيط ، البروكلى ، خروشوف

🔵 فاكهة :

فرولة ، توت ، جوز هند ،

الأڤوكادو العظيم

 

أنا بعمل مخبوزات ببذر الكتان والسمسم،

بطحنها و أخبرهم طعمها لطيف و بتشبعني

 

️️🔴 💎  طبعا الصيام المتقطع مهم عشان يزود نسبة الكيتونات في الدم

و طقسيا المفروض نصوم من ١٢ بالليل ل ٥ الظهر

في الصيام الكبير و يونان

و ممكن اللي حابب يكمل صيام بعد المدة دي يشرب ماية بملح د. سولت عشان تعويض الأملاح

و يكمل صيام

 

🔷 هنطبخ بزيت إيه؟

 

زيت زيتون (عادي يتحط عالنار) أو زيت جوز هند

🔷  البوليت بروف: نعمله بزيت جوز الهند

🔷 بدائل اللبن: لبن جوز الهند و لبن اللوز و لبن البندق للي يحب

 

(لبن فول الصويا مش معانا)

طبعا أكلات كتير و وصفات كتير ممكن تتعمل من المسموحات ديه زي

🔸 بابا غنوج

🔸 الطحينة

🔸 فلافل السوداني

https://m.facebook.com/groups/188569918438649?view=permalink&id=307015033260803

🔸 فلافل الكوسة

https://m.facebook.com/groups/188569918438649?view=permalink&id=273263079969332

🔸 رز القرنبيط

https://m.facebook.com/groups/188569918438649?view=permalink&id=415537705741868

🔸 مقرمشات بذور الشيا

https://m.facebook.com/groups/188569918438649?view=permalink&id=519435715352066

🔸 مقرمشات بذر الكتان

https://www.facebook.com/groups/keto.code/permalink/529479701014334/

🔸 خبز بذور الكتان

https://m.facebook.com/groups/188569918438649?view=permalink&id=362463527715953

🔸 مخبوزات بذر الكتان

https://m.facebook.com/groups/188569918438649?view=permalink&id=494041941224777

🔸 مشروم بالسبانخ و الثوم

https://youtu.be/yQAJtTbKiZY

🔸 مربى فراولة أو توت

https://m.facebook.com/groups/188569918438649?view=permalink&id=407223706573268

لينك الجروب لأفكار أخرى :
https://www.facebook.com/groups/keto.code

 

طبعا محدش يشتكي من إن مفيش تنوع في الأكل لأننا أساسا كنا طوال اليوم b لا نأكل إلا فول و طعمية و كشري و بطاطس محمرة 😂

 

دا صيام يعني تقشف و تذلل و كدة 😂

ملحوظة:

 

ممكن كمية البروتين تقل شوية،

مفيش مشاكل بس نحاول منقولهاش عن ٠‌,٨ جرام لكل كيلو جرام وزن

و ممكن كمية الكارب تزيد شوية

بس نحاول نخليها متزدش عن ٥٠ جرام في اليوم

اللي مش هيقدر يعمل كده ممكن يمشي لو كارب

و هيخس عادي إن شاء الله.

 

أهم حاجة يحافظ على الصيام المتقطع

و يمنع الأكل بين الوجبات و ميزودش في السعرات.

 

هندخل البقوليات كوجبة بدل وجبات الكيتو، الفول ، العدس الحمص ،

ممكن ندخل شوية رز صغيرين،

ممكن بطاطس.

 

نحاول نزيد شوية زيت زيتون على الأكل وناخد سعراتنا منه بدل ما نكتر في أكل البقوليات

اللي عنده أفكار لأكل تاني يكتبها عشان نزودها