ايه اللي تعمله لو ارتفعت الدهون الثلاثية مع الكيتو ؟
المفروض أن الدهون الثلاثية تتحسن في الكيتو عند أغلب الناس ،
احنا دايما بنتوقع أن الكوليسترول هو اللي بيعلي و الترايجليسرايد بيقل .
طيب انت ممكن تعمل ايه ؟
١- عيد التحليل صايم ١٢ إلى ١٤ ساعة لا يسمح إلا بالماء فقط .
أغلب الدهون الثلاثية اللي بتاكلها الجسم في حالته الطبيعية يتخلص منها في خلال ١٢ ساعة
و بالتالي لما تاكل أكلة دسمة متوقع تفضل النسبة عالية بعد الأكل لمدة ١٢ إلي ١٤ ساعة .
٢- لو بتشرب قهوة وقفها .
القهوة فيها مركبات زيت كافيستول تحفز زيادة الدهون الثلاثية نتيجة لخلل جيني عند بعض الناس ،
وقف القهوة ٣ اسابيع وارجع عيد التحليل .
٣- ممكن تكون بتاكل كربوهيدرات مع دهون ،
وانت مش واخد بالك مزود الكربوهيدرات
زي بتاكل اكل مصنع و صفات كتيرة ، بتعمل ريفيد .
ده خطورته أن الدهون مش بتتحرق و الكربوهيدرات تتحول نسبة منها إلى دهون كمان .
٤- ممكن تكون مكتر في الزبدة و البولت بروف و تحمر اللحمة …. الخ
بتمنع الحاجات دي كلها و ترجع تعيد التحليل تاني
٥- ممكن يكون عندك خلل جيني صغير
single nucleotide polymorphisms
او عندك نوع من أمراض الدهون الوراثية زي
hyperchylomicronemia .
familial hypertriglyceridemia
طبعا مكنش واضح الاول ولما بدأت تعتمد على الدهون ظهر .
(بس ده نادر انه يحصل و اشك في حالتك لأنك خسيت و محصلش عندك أي مضاعفات رغم الرقم اللي يخض ده )
٦- لو مش مقتنع بكل اللي فوق او مش عايز تعمله ،
سيب الكيتو وارجع امشي علي نظام سعرات و قلل الدهون بتاعتك عن ٣٠ %
و اقل من ١٠% دهون مشبعة و عيد التحليل تاني .
٧- لو عدت التحليل بعد كل ما سبق و فضلت عالية ممكن تحتاج أدوية
٨- خد اوميجا ٣ ، ٢جم يوميا
٩- في كل الأحوال محتاج تكشف و تابع مع طبيب غدد صماء / قلب / باطني .
