ارتفاع سكر الدم بعد الصيام

1-  مقاومة الإنسولين

سكرك في الصيام حيبقي اعلي من بعد الأكل عموماً علشان مقاومة الأنسولين،

اللي بيتحكم في السكر وقت الصيام بيبقي الانسولين الأساسي اللي بيتفرز طول الوقت

و لما تبقي المقاومة عالية،

الانسولين حيبقي غير كافي لمنع الكبد من تكوين السكر .

بالتالي السكر حيبقي عالي، علشان كدة بتصحي الصبح تلاقيه أعلي قراءة طول اليوم. 

مش انت لوحدك كدة فيه ناس كتيرة زيك وانا منهم.

2- متلازمة الشروق او وقت الفجر Dawn phenomenon 

الفكرة ببساطة جسمنا متظبط انه يفرز الهرمونات اللي بتساعد علي الطاقة والنشاط وقت الصبح

علشان نقدر نشتغل و نكمل اليوم

الهرمونات دي زي الكورتيزول و الثيروكسين والتستيسترون،

كلهم بيرفعوا السكر علشان كدة، الصبح بتلاقي السكر عالي عن باقي اليوم.

3- المقاومة الفيسيولوجية او physiological insulin resistance 

بعض الناس بتسميها glucose sparing theory 

ببساطة مع اقصي استعمال للمخ للكيتونات ،

بيفضل نسبة ٢٥% من الطاقة بتاعت المخ معتمدة ع الجلوكوز ،

ناهيك عن خلايا الدم الحمرا و عن الكبد نفسه اللي مبيقدرش ياخد الكيتونات .

وبناء عليه الجسم بيعمل مقاومة مؤقته للكبد ،العضلات للانسولين

علشان تقدر تستهلك الاحماض الدهنية بكفاءة عالية و توفر الجلوكوز للمخ ،

علشان كدة بتلاقي سكرك الصبح عالي

و لما تعمل ريفيد كربوهيدرات بيعلي سكرك اول ايام الدايت ،

انما بينزل تاني بعد كدة لو كملت علي الكربوهيدرات. 

البعض ادعي ان الكيتوجينك دايت بيسبب السكر و بيزود المقاومة نتيجة لعدم فهمه الجزئية دي ،

مع انها ناتجة عن أساس فيسيولوجي قديم ،حاجة اسمها دائرة راندل نسبة لعالم فليب راندل ،اكتشفها سنة ١٩٦٣ randell cycle. 

واللي بيوضح فيها ببساطة ان العضلات لما بتستهلك الاحماض الدهنية طويلة السلسلة بتمنتع عن استعمال الجلوكوز و العكس ،

و كذلك الخلايا الدهنية لو بتحرق دهون مش حتخزن جلوكوز و العكس .

4- طب ليه بيقل بعد الاكل اكتر؟؟

لان بانكرياسك اتعود يفرز كمية كبيرة جدا لمدة طويلة لما كنت بتاكل الكربوهيدرات،

فلما دلوقتي شيلت الكربوهيدرات، لسه بيفرز الكمية دي. 

لو انت بتاكل نفس الاكل بتاع زمان حتلاقي سكرك ارتفع بعد الاكل عن الصيام زي كل الناس اللي من النوع التاني. 

Disproportionate secretions