الرئيسية » الكيتوجينيك دايت » الكيتو والأمراض » كيتو دايت و  Meniere’s disease

كيتو دايت و  Meniere’s disease

share this :

لو التشخيص فعلاً مرض منيير مش سبب تاني للدوار،

فده ممكن الكيتو يفيده مش بس لا يتعارض معاه،

لإنهم وجدوا بالدراسة ان فيه علاقة بين مقاومة الانسولين و حدوث المرض. 


ازاي ده بيحصل؟ 

كل خلايا الجسم بتعتمد علي الجلوكوز كمصدر للطاقة،

الانسولين مهم لدخول الجلوكوز في الخلية،

لو الخلية قاومت الانسولين معناه دخول كمية اقل من الجلوكوز،

معناه طاقة اقل و كفاءة عمل اقل يعني مرض. 

الأذن الداخلية بتتأثر بده و فيه علاقة مع زيادة الأنسولين و حدوث المرض

و فيه تحسن للمرض مع تناول طعام مخصص لمرضي السكر ( لو كارب و خالي من السكر المصنع) 

الكيتوجينك دايت بتدي وقود مختلف عن الجلوكوز للخلايا

وبالتالي الخلايا تقدر تقوم بعملها كويس و بالتالي تحسن مفترض في الاعراض،

كمان بتحسن مقاومة الانسولين فالخلايا تقدر تاخد جلوكوز افضل. 

زي اللي في الدارسة دي مثلاً علاقة ارتفاع الانسولين بمرض الدوخة . 
https://www.ncbi.nlm.nih.gov/pubmed/15379344/

ودي كمان 
https://www.ncbi.nlm.nih.gov/pubmed/12970590/

والدراسة دي بتاكد الكلام بتاعي برضه 
https://www.ncbi.nlm.nih.gov/pubmed/12970590/

طيب لما الدنيا حلوة كدة ليه زادت الدوخة؟

 
لإن واحدة من الاعراض الخطيرة في الكيتو فلو هي الدوخة الناتجة عن نقص الصوديوم ( علماً انهم بينصحوا بدايت قليلة الصوديوم ولكن فيه فرق بين نقص الصوديوم في الدم و الدايت قليلة الصوديوم لتجنب ارتفاعه). 
كمان نقص الماغنسيوم، البوتاسيوم و معادن أخري . 

كمان تناول بعض المعادن مفيد في علاج اعراض الدوخة.

الدراسة دي بتقول ان تناول الزنك بيفيد مع كبار السن اللي بيعانوا من الدوخة 
https://www.aurisnasuslarynx.com/…/S0385-8146(02)0…/fulltext

الخلاصة

لا يوجد تعارض بين الكيتو والمنيير بالعكس هو مفيد كعلاج مساعد. 

قد تسوء الحالة في بداية الكيتو نتيجة لنقص تناول الاملاح والمعادن اللي بيحصل اثناء الكيتو فلو..

share this :

عن admin

د.محمد الصباغ . طبيب مختص غدد صماء و سكر. بالمملكة المتحدة .. زميل الكلية الملكية ببريطانيا MRCP UK حاصل على شهادة الاختصاص العليا في الغدد الصماء والسكر من الكلية الملكية. SCE endocrinology and diabetes مهتم بأبحاث السمنة والتغذية العلاجية كجزء من التخصص الدقيق.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *