ليه بيحصل ارتفاع في الكوليسترول و الـ LDL مع الكيتو؟
فيه كذا نظرية في ارتفاع الـ LDL،
النظرية الأولى :
أن الخلايا الدهنية بتشيل الكوليسترول، زي ما يحتفظ بالدهون الثلاثية
وبالتالي أثناء التخسيس بيرتفع ال LDL و لما وزنك بيوصل للمثالي يرجع للطبيعي.
النظرية الثانية :
أن الجسم زي ما يغير نظام حرقه من كربوهيدرات ودهون،
بيزود النواقل اللي بتنقل الكوليسترول علشان يقدر يمد الجسم بأكبر كمية من الطاقة،
علشان كدة مع الهاي كارب ال LDL بيقل،
انما مع الكيتوجينك دايت و مع الصيام بيزيد ال LDL بيزيد الـ HDL.
النظرية الثالثة:
ودي وأنا مقتنع بها،
أن ارتفاع ال LDL, HDL الكوليسترول عموماً ناتج عن تأثير الدهون المشبعة
و أن الدهون الغير مشبعة بتقلل ال LDL.
ال LDL اللي في نتيجة التحليل مش بيتقاس في المختبر،
ده بيتحسب من مجموع الكوليسترول وال HDL. و الدهون الثلاثية
وبالتالي ليس دقيق للتعبير عن قيمة الـ LDL الحقيقة.
اللي بيعبر عن رقم الـ LDL حاجتين
يا اما LDL particle
أو APO B.
كمان حتي LDL P ده فيه نوعين large particle أو A وده نوع صحي،
و small particle وده الضار.
وبالتالي التحليل ده لا يدل عن كمية الجزيئات الضارة في LDL
، لازم تقيس العدد الحقيقي
و تقيس نسبة الجزيئات الصغيرة الضارة small particle علشان تقدر تقول والله الكوليسترول الضار عالي.
طيب هل لو جزيئات الكوليسترول الضارة عالية كافية لحدوث انسداد في الشريان أو تصلبات.؟
الحقيقة علشان يتحول ال LDL مركب ضار لازم أنه يتأكسد
أو يحصل التهاب في الشرايين ينتج عن زيادة التهامه و ترسيبه في الشرايين.
طب ده بيحصل ازاي؟
بيحصل لما يتغير شكل جزئي الـ LDL و الكبد ميعرفش يتخلص منه،
وده في حالة التدخين oxidised LDL,
أو ارتفاع السكر glycated LDL أو ارتفاع الدهون الثلاثية.
يعني حتي لو فيه ارتفاع في الكوليسترول الضار وأنت مش بتدخن ولا سكرك عالي و لا الدهون الثلاثية عالية،
احتمال تأثيره عليك بسيط جداً.
طيب ازاي نعرف ان LDL مأثر عليا أو فيه خطورة. ?
فيه اختبارات بتبين مرونة الشرايين بتاعتك زي حاجة اسمها
Carotid intimal thickness.
وكمان حاجة اسمها
Coronary artery calcium scoring.
فيه كمان كذا حسبة تبين مدى الخطورة زي
QRISK 3 score,
وبرمنجهام و غيرها.
القصد لازم نبص الصورة كاملة مش مجرد رقم LDL
بالمناسبة.
اللي بيحول ال LDL لجزيئات ضارة تناول الكربوهيدرات
لانه بيرفع الجلوكوز والدهون الثلاثية.
الكيتو بيزود الـ HDL و بيقلل الدهون الثلاثية وكمان بيحول
LDL small particle الي LDL large sized اللي يعتبر صحي .
