النقرص و الكيتو دايت

الحقيقة ارتفاع حمض اليوريك والنقرص واحدة من الامراض المتعلقة بالسمنة. 

علشان كدة الكيتوجينك دايت علاج للنقرص وده مثبت بالدراسة. ..

بس فيه حاجة مهمة بتحصل،

هو مع بداية الدايت اليورك اسيد بيعلي عند بعض الناس و بيرجع ينزل لما تبقي فات ادابتد. 

القصة ان الكلى في أول 6 اسابيع من الكيتوزيز مبتقدرش تفرق بين الأحماض و بعضها

و بالتالي حمض اليوريك اللي وجوده ضار و الكيتونات ذات الطبيعة الحمضية اللي وجودها منفعة للجسم بيتصارعوا مع بعض في الكيلة،

الكلية في الأول بتنزل الغريب ( الكيتونات) لانه جديد و مش عارفها علشان ضار،

بعد فترة بتبدأ تدرك الغلط و تنزل اليورك اسيد و تحافظ على الكيتون. 

ده يفسر لك حاجتين مع بعض و سؤالين مهمين دايماً بيتسائلوا. 

1- ليه اليورك اسيد بيرتفع في اول الكيتو ؟
2- ليه شرايط البول بتدي غامق في الأول و بعدين بتدي فاتح؟

 
ببساطة الكلية كانت مفكراها حاجة ضارة حتزود حموضة الدم

و مع الوقت عرفت انها منفعة،

كمان اغلب الاسيتواسيتات بيتحول للبيتا هيدروكسي بيتورات ( الكيتون اللي بيتقاس في الدم) مع الوقت و يقل الاسيتون.

الكلام ده مثبت برضه بدراستين لما حقنوا الجسم بالكيتونات ارتفع نسبة اليورك اسيد في الجسم.

نختم الموضوع. 
لو عايز تعرف انت بقيت كيتو ادابتد ولا لا،

افضل حاجة قيس اليورك اسيد اول اسبوع و بعدها ب 6 اسابيع و قارن بينهم،

لو اليورك اسيد قل يبقي بقيت ادابتد ولو فضل عالي يبقي لسه كليتك مش عارف تميز الصالح من الطالح.