لو كارب أم كيتو دايت ؟

هو ينفع ابقي علي low carb مش كيتوجينيك ؟
ولو ينفع ايه الشروط او النسب اللي تحقق كدا؟ 

يعني ايه low carb diet؟ 

المفروض الوجبة الاستاندرد بتاعتنا بتتكون من 55% الي 75% كربوهيدرات في اليوم. 

و بالتالي ال low carb هي اي وجبة بتحتوي علي أقل من 50% من الكربوهيدرات،

خلينا نمشي ورا الناس اللي بتقول اقل من 35% يبقي low carb،

ده معناه لو حضرتك احتياجك في اليوم 2500 سعر حراري

يبقي حضرتك محتاج من الكربوهيدرات بس 875 سعر حراري اللي بيعادلوا 218 جرام كربوهيدرات. 

النسبة دي كبيرة جدا و حترفع الانسولين بطريقة تمنع حرق الدهون

علشان كدة لو سيبنا نفسنا لتعريف low carb بدون ما نحدد قد ايه؟ يبقي عمر الدايت ما حتنفع.

 

 

بالمناسبة الكيتوجينك دايت هو low carb 

بس علشان تحرق الدهون محتاج تقلل الكربوهيدرات لأقل حد ممكن. 

العلماء بيقولوا اقل من 20 جم في اليوم كtotal carb

علشان يضمن دخولك في الكيتوزيز بسرعة والحفاظ على الحالة دي لأكبر درجة ممكنة،

انما ممكن يحصل كيتوزيز علي تناول كربوهيدرات اكتر من كدة ولكنها مش مضمونة. 

 

الثابت ان الكيتوزيز ممكن يحصل لو ال total carb أقل من 50 جم يومياً بس ده حياخد وقت، ممكن اسابيع.

 

طب ليه بنقول كيتوجينك دايت مش low carb؟ 

 

علشان المخ بيلاقي الجلوكوز مصدر سهل للطاقة،

طول ما بتديله لو حاجة بسيطة حيفضل يطالبك بالمزيد طول الوقت،

حتفضل حاسس بالاشتهاء للسكريات و مفيش حد بيقاوم طول الوقت حيجي وقت و حتضعف. 

 

فالكيتوجينك دايت علاج جذري و فعال لل craving

و كمان مكينة حرق دهون طول الوقت دون الاحتياج لتقليل السعرات

اللي حتضطر لها لو مشيت علي اي دايت تانية في الغالب ..

 

رأيي الشخصي :

لو شايف الموضوع صعب و مش مناسب لك خليك low carb علي اقل حد تقدر عليه

و تدريجياً قلل كل ما تلاقي نفسك مرتاح، أو و كمل low carb لو جسمك بيستفاد و مرتاح.

لإن الغرض هو نظام غذائي صحي تكون مرتاح عليه

و جسمك بيستجيب له دون مقاومة للجوع أو اضرار. 

حارب السمنة لانها لا تكف عن محاربتك