الرئيسية » الكيتوجينيك دايت » ليه الناس بتخاف من الكيتو؟

ليه الناس بتخاف من الكيتو؟

share this :

في البدايه ممكن تكون قد سمعت عن انظمة كثيرة لانقاص الوزن ونحت الجسم ومن ضمنها قد تسمع عن نظام الكيتو دايت وستمع الكثير من النقد والعيوب عن نظام الكيتو دايت فتعالي نستطرد سويا لماذا يخاف الناس من الكيتو

ليه الناس بتخاف من الكيتو؟

 معظم الناس بتخاف من الكيتو علشان فيه معلومتين مترسختين في الوعي الجمعي حتي عند معظم الأطباء.

الأولي :-

الجلوكوز مهم

أهمية الجلوكوز ظهرت بعد اكتشاف الأنسولين في عشرينيات القرن الماضي ،

لما لقوا اللي بياخد الدوا الجديد بيحصله اعراض كتيرة و ممكن يفقد الوعي و الاعراض دي بتروح لما تاخد جلوكوز،

من هنا عرفنا ان الجلوكوز مهم للمخ و مفيد كمصدر للطاقة.

Owen et al 2005

التاني :-

ان جسيمات الكيتون ضارة

اكتشاف جسيمات الكيتون كانت مرتبطة بمريض السكر اللي بيحصل له غيبوبة نتيجة علو السكر

و بالتالي ارتبط ان الكيتونات دي مواد سامة بتتفرز من الجسم في حالة حموضة الدم الناتجة عن ارتفاع الجلوكوز.

فيه واحد كان بيعمل ابحاث علي علاج السمنة بالصيام في الخمسينيات،

عمل تجربة لا يمكن حد يوافق علي تنفيذها انهاردة،

جاب 6 تلاميذ من عنده اتطوعوا في الصيام الكامل لمدة كام يوم بقي يا مؤمن؟ 18 يوم سعادتك.

 

 

 

 

لاحظ ان مستوي السكر في الدم بيقل من 80 مج في اليوم الاول الي 65 مج في اليوم التالت مع زيادة جسيمات الكيتون من 0 في اليوم الاول الي 1.6 في اليوم التالت و 4.2 في اليوم الثامن.

الطلبة عاشوا بصحة جيدة و كفاءة المخ ممتازة.

استنتج من التجربة دي ان المادة السامة اللي بيفرزها الجسم تعتبر مصدر للطاقة بديل عن الجلوكوز.

Cahill’s et al 1966

طب نعمل تجربة افضل بقي.

حقنوا انسولين لناس عندها في حالة كيتوزيز و ناس عادية بتستعمل جلوكوز كمصدر للطاقة،

اكتشفوا ان استجابة المخ لتأثير الهبوط الحاد في السكر عند الناس اللي في الكيتوزيز أقل.

 

طب ده معناه ايه؟

معناه ان المخ لما بيعتمد علي الكيتون كمصدر للطاقة بيبقي محمي اكتر من انخفاض السكر.

طبعاً بعدها بدأت الكيتوجينك دايت تدخل في علاج الصرع، ثم السمنة،السرطانات، تكيس المبايض، التهابات القولون.

 

طب هل فعلاً احنا محتاجين الكربوهيدرات ؟

 

اقرا المزيد عن نقص الوزن والعضلات في الكيتو 

 الإجابة الصغيرة المبسطة :   بالطريقة اللي بناكل بيها  دي لا طبعا – 

كل اللي محتاجينه منها الخضروات الورقية الطازة، لإحتوائها علي الألياف اللي لها بعض الفوائد في الجسم ، لا يوجد مكون أساسي في الكربوهيدرات تحتاج إلي تناوله مثل ما يحدث في حالة الأحماض الأمنية الأساسية و الأحماض الدهنية الأساسية التي لا يستطيع الجسم تكوينها بنفسه و بالتالي لابد من

الأعتماد علي الطعام كمصدر أساسي لها ، ببساطة انسان بدون تناول دهون أو بروتين ميت لا محالة ، انسان بدون كربوهيدرات يستطيع أن يعيش جيداً لإن أجسمنا لا تكف عن انتاج  الكربوهيدرات، الجسم بيحافظ علي مستوي السكر في الدم طول الوقت، ودا يبان لما بتعمل تحليل سكر الدم وانت علي كيتوجينك دايت ,

كمان كل المعادن، الألياف والفيتامينات اللي في الفواكه مثلاً موجودة بكميات اكبر في الخضروات الطازة .

اللي عايز اقوله لو اللي مانعك عن الكيتو انك خايف نقص الجلوكوز، احب اقولك متخفش،

 جسمك فيه آليات كتيرة علشان تحافظ على مستوي السكر من الإنخفاض  ..

ولو خايف من الكيتونات لإنها سيئة السمعة، أحب أقول لك :

كل نبي مضطهد في وطنه والكيتونات أنبياء هذا الجسد.

حارب السمنة لانها لا تكف عن محاربتك

#حاصر_جيناتك_لا_مفر

المصادر

1-https://www.jci.org/articles/view/105481?fbclid=IwAR2PsT2tEAOI8dxamaNVBfrn9wrshoGI2i6Y9C_-fLAttDuUBQD13CnWuLs

2- https://iubmb.onlinelibrary.wiley.com/doi/full/10.1002/bmb.2005.49403304246   

share this :

عن admin

د.محمد الصباغ . طبيب مختص غدد صماء و سكر. بالمملكة المتحدة .. زميل الكلية الملكية ببريطانيا MRCP UK حاصل على شهادة الاختصاص العليا في الغدد الصماء والسكر من الكلية الملكية. SCE endocrinology and diabetes مهتم بأبحاث السمنة والتغذية العلاجية كجزء من التخصص الدقيق.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *