الغده الدرقيه مع الكيتو دايت

مفيش ولا دراسة من اللي اتعملوا علي الكيتو فيها حد جاله كسل في الغدة الدرقية،

اللي بيحصل ان هرمون الغدة الدرقية بيقل شوية، بس بيفضل هرمون TSH طبيعي.

احنا عندنا ال TSH أقوي في التشخيص و في المتابعة لو كان سبب الخمول من الغدة الدرقية مش من مكان تاني .

كمان وجدوا أن الناس علي low carb أكثر طاقة و كفاءة وده بيتعارض مع حدوث خلل في الغدة بسبب الكيتو.

علشان كدة في نظريتين لتفسير ان هرمون الغدة الدرقية الفعال T3 بيقل

1- ناس بتقول أي نظام غذائي بيقلل نشاط الغدة لإن بيقل الحرق

2- وناس بتقول استجابة الجسم لهرمون الغدة الدرقية بتتحسن

فبالتالي الجسم بيحتاج كمية أقل من الهرمون عن الطبيعي.

زي فكرة الأنسولين كدة ( الصراحة انا بميل للفرضية التانية للأسباب اللي شرحتها في الأول.

الخلاصة طالما الكيتو معملش 
Hypothyroidism 
عند حد، يبقي نقص الهرمون حاجة مش مرضية.

هرمون الغدة الدرقية بيتأثر بعوامل كتيرة مش شرط يكون الحالة تكون مرضية. 
مثلاً 
1- بيقل الهرمون مع تقدم العمر. 
2- في حالة بيختلف هرمون الغدة الدرقية في الشهور الاولي من الحمل عن الأخيرة. 
3- بيقل في حالات مرضية تانية زي الالتهابات non thyroidal illness 
4- كتير من الأدوية بتعلي او بتوطي بعض تحاليل الغدة.

كلها ظواهر فيسيولوجية، مش شرط لخبطة التحليل يكون راجع لخلل في الغدة.

الخلاصة

لو حضرتك مريض خمول غدة 

اتأكد انك بتاخد الجرعة المضبوطة اللي الدكتور بتاعك وصفها واعمل وظائف الغدة واتأكد ان ال
TSH 
نورمال و متقلقش طالما الوظائف كويسة و حاسس بـ طاقة مع الكيتو