الرئيسية » الكيتوجينيك دايت » الأملاح في الكيتو دايت

الأملاح في الكيتو دايت

share this :

كتبت : د/ ساره يسري 

باختصار شديد..

دايماً بنقول الأملاح معانا شيئ اجباري

زي مابنحافظ على نسبه الدهون والكارب لازم دايما ننتبه جدا اننا نحافظ عليهم اجباري مش اختياري.

بداية بس الاملاح اللي تهمنا فالكيتو هم (صوديوم وبوتاسيوم ومغنيسيوم) ،، يهمونا لاننا في النظام بتاعنا بنفقد مياه كتير في الأول ،،

بنفقد مياه ليه  ؟؟

احنا بنمنع الكارب تماما تقريبا،،

الجسم مش بيلاقي جلوكوز يغذي المخ والعضلات ف بيبتدي يفضي مخزون الجلايكوجين من الكبد والعضلات علشان يستخدمه في حاله الطوارئ دي

الجلايكوجين حوالي تلات ارباعه مياه ،، فالجسم بيتخلص من المياه الزياده دي بتصريفها عن طريق البول والتعرق ،،

المياخ بتنزل وهي فيها املاح الجسم ف طبعا الاملاح بتقل جدا.

الحاله دي بتحصل بردو بعد التمرينات الرياضيه القويه….

طيب نقص الاملاح بيتدرج من حالات خفيفه(mild) لحالات خطيره،،

احنا فالكيتو نقص الاملاح عندنا بيكون خفيف علشان كده بيعمل اعراض خفيفه

ولكن اعراض مزعجه وماينفعش نتغاضى عنها علشان الامور ماتزدادش سوءا.

زي ايه الاعراض اللي بتيجي من نقص الاملاح؟؟

صداع

خفقان في القلب

اجهاد

ضعف عام

ارق

تشنجات عضليه

الم فالعضلات

عدم تركيز

انخفاض ضغط الدم

دي الاعراض اللي بتيجي لمعظمنا في الأول وبنسميها كيتو فلو ،،

لانها تشبه لحد كبير اعراض البرد.

واللي اتكلمنا عنها في المقال ده :

الكيتو فلو

نعمل ايه علشان نقللها او نمنعها او نعالجها؟

بنعوض الجسم بشرب مياه وسوائل.

بنعوض نقص الصوديوم بملح الطعام (من معلقه لمعلقه ونص يوميا) و بشوربه اللحمه او العضم .

بناخد البوتاسيوم من الاكل بشكل رئيسي

أهم اكلات تمدنا بالبوتاسيوم الافوكادو والسبانخ والمشروم والخضراوات الورقيه ،،

لو مش بناخد كفايتنا من الاكل بنستخدم نص معلقه ملح قليل الصوديوم(د.سولت مثلا) على مدار اليوم سواء فالاكل او على الشوربه او الميا او القهوه.

المغنيسيوم بناخده اقراص من ٢٠٠ الى ٤٠٠ مج يومياً.

share this :

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *