تأثير الصيام الطويل علي الكتلة العضلية

المسألة فيها خلاف بس انا مع ان مفيش خسارة في العضلات،

المشكلة بتكمن ان محدش عارف صيام كام يوم مفيد. 

بمعني تصوم 4 ايام ولا 10 افضل؟ 
طيب لو صمت 15 يوم، ايه اللي حيحصل. ، محدش يعرف. 
كل اللي موجود عبارة عن حالات فردية و خبرات شخصية.

الدراسة اللي لقيتها اتعملت عن صيام 4 ايام، وفيها زاد معدل الحرق و اتحافظ علي الكتلة العضلية.

ليه انا شايف ان مش بيحصل فقد في العضلات؟ 

فسيولوجيا في حالة الصيام 
Starvation state 

الجسم بيحاول يعمل اتزان نتيروجيني يعني بيقلل الهدم بتاعه و بيقلل البناء، فالمحصلة صفر،

يعني الجسم بيعيد تكوين البروتين اللي بيكسره. 

الحاجة التانية بعد 36 ساعة صيام بيزيد هرمون النمو،

التستسترون والكاتيكولامينز اللي كلهم هرمونات بناء للعضلات. 

البروتين مش مصدر للطاقة عموماً، الدهون مصممة علشان تمد الجسم بالطاقة 

البروتين مش بس موجود في العضلات بيبقي موجود في الجلد، الاربطة ومناطق تانية،

فالجسم حياخد منهم قبل ما يشيل من العضلات. 

النصيحة، العب تمارين رياضية للحفاظ علي عضلاتك لو ناوي تصوم. 

اخر حاجة، الموضوع متعملش عليه دراسات كافية و خصوصاً في الصيام المدد الطويلة ( 4 ايام اطول دراسة قريتها)

لينك الدراسه :
https://www.ncbi.nlm.nih.gov/pubmed/10837292/?fbclid=IwAR2Gi_Ek7HViEP6AaaDRDc3qVL7Qtg93D5a8JJywPjEt1cEFCNWPZt9dOko