الرئيسية » الكيتوجينيك دايت » تعويض البوتاسيوم في الكيتو دايت

تعويض البوتاسيوم في الكيتو دايت

share this :

1- هل ينفع نعوض البوتاسيوم لو مش بناخد احتياجنا من الخضروات و ملح د.سولت؟ 

2- ايه اللي يحصل لو عوضنا أكثر من احتياجنا ؟

الأول تعالى نعرف ايه احتياجنا من البوتاسيوم. 

الاحتياج اليومي بين 3500 الي 4700 مج .. ودي بتختلف من فرد لـ فرد،

يعني ممكن انا ابقي محتاج 4جم، في حين انت محتاج 2.5 جم في اليوم،

محدش حيعرف احتياجه ده قد ايه غير لما يحسب تناوله اليومي في الطبيعي و يشوف مستوي البوتاسيوم في الدم و يشوف كمية اخراجه في البول و يقرر و ده طبعا شغلانة كبيرة محدش حيعملها.

أومال نتعامل ازاي مع الاحتياجات دي؟ 

الحقيقة الجسم لوحده بيطلب منك الطعام و بيستكفي لما يكمل عناصر الغذاء بتاعه،

تحس ان فيه اشتهاء لحاجة حادقة، عايز تشرب مياه مخلل، تاكل خيار مخلل والخ. 

في الكيتو بيحصل ان البوتاسيوم يقل في الاول لما بيحصل كيتو فلو

و بعدين الجسم بيعرف يحتفظ بيه و مينزلش كتير لما تبقي ادابتدد،

فالاحتياج الاول بيزيد و بعدين بيقل تاني. 

احنا مصادرنا في الكيتو. 

الخضراوات الورقية الافوكادو والبروتين، شوربة اللحمة او العضم و المياه المعدنية أو المشروبات الزيرو كالوري. 

المشكلة في البوتاسيوم ان نقصانه او زيادته بتسبب مشاكل كبيرة. 

علشان كدة مش في العادة بنفضل مكملات للبوتاسيوم عن طريق الادوية، حتلاقي حتي الجرعات اللي في السوق قليلة جداً،

علشان تاخد 99 مج، محتاج ازيد من 12 حباية علشان تاخد ربع احتياجك..

وبالتالي انا شايف ان لو الواحد مش عارف ياكل خضروات ورقية وافوكادو

لازم يشرب شوربة اللحمة كل يوم، لان في الطهي بينزل البوتاسيوم في الشوربة و لازم كمان تحط ملح مخفض الصوديوم عليها .

 
لو هو بيتناول الخضروات الورقية يبقي تمام. 

2- الsafety margin في البوتاسيوم مش كبيرة وبالتالي مع زيادة الجرعة ممكن يحصل ارتفاع في مستوي البوتاسيوم و بيحصل اعراض زي الترجيع وزيادة ضربات القلب. 

أي نعم احنا بنشوف الاعراض دي مع عيانين معينين مش مع الناس الطبيعية ولكن تبقي النصيحة الآمنة بلاش تاخد بوتاسيوم كمكمل، 

احنا بنوصفه في حالات النقص فقط و بنوصفه لمدة 3 أيام

و بنعيد مستوي البوتاسيوم و بنحدد ان كان محتاج تعويض للنقص ولا لا. 

خلاصة القول بلاش حبوب بوتاسيوم اشربوا شوربة عضم مع ملح مخفض الصوديوم،

و لو أخدتوا البوتاسيوم كمكمل، احتمال مستواه يزيد و يحصل مضاعفات. 

بقول احتمال علشان الموضوع فيه ابعاد كتيرة

share this :

عن admin

د.محمد الصباغ . طبيب مختص غدد صماء و سكر. بالمملكة المتحدة .. زميل الكلية الملكية ببريطانيا MRCP UK حاصل على شهادة الاختصاص العليا في الغدد الصماء والسكر من الكلية الملكية. SCE endocrinology and diabetes مهتم بأبحاث السمنة والتغذية العلاجية كجزء من التخصص الدقيق.

2 تعليقان

  1. نوع الخط في المقالات صعب جداً ومجهد علي العين ، أتمني يتم إستبداله بخط أخر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *