الاختلافات الشخصيه سبب السمنة ؟

كتبت د. ساره يسري

 

في مرحلة ما قبل البلوغ ،

الولد والبنت بيكون عندهم نفس الـ average لنسبة الدهون في اجسامهم..👫

بعد البلوغ ..  المرأة بيكون عندها نسبة أعلى من الدهون ، 

مقارنة بـ رجل بياكل نفس الأكل كماً ونوعاً.

ده مش اختيارها الشخصي،، ومش تقصير في عاداتها الغذائية ،،

 دا تأثير الهرمونات اللي بتخليها تخزن دهون اكتر وتحرق أقل..🤷🏻‍♀️

كذلك المرأة قبل الحمل والولاده وبعدهم .. بتكون عايشه نفس اللايف ستايل 

بس الهرمونات اختلفت وخلت الاكل اللي جسمها كان بيحرقه زمان بقى معظمه بيتخزن دهون..🤰🏻

بين البشر كلهم ، اتنين بياكلو نفس نوعيه الطعام بنفس الكميه،، واحد بيطخن وواحد نحيف..

النحيف دا ممكن يكون بياكل اكتر كمان 😃

بالمثل البسيط دا نستنتج حاجتين :-

أولاً :  وأهمهم ، متقارنش نفسك بحد.🚫

ثانياً : الأكل لوحده مش سبب للسمنه ، أو مش الأساس للسمنه ،، نوعيه الاكل هي الاساس .✅

من خلال طبيعة جسمك تقدر تحدد نوعيه الطعام المناسبه ليك ..

عرفنا زمان ان علشان نخس مفروض ناكل قليل ونتحرك كتير..🏃🏻‍♀️🏃🏻‍♂️

ليه مفيش نتايج مع أغلب مرضى السمنة ؟

ليه الموضوع البسيط جدا دا، تنفيذه بيكون صعب جدا؟

في اختلاف هرمونات ،

واختلاف مرونة التمثيل الغذائي (الحرق) ،

واختلاف درجات مقاومة الأنسولين و درجات نشاط الشخص 

والنوع والسن و جيناااات وعوامل تانية كتيييير تحدد طبيعة جسمك والاكل اللي يناسبه.

و بتخلي كلمة ريجيم اعمق من مجرد اكل قليل..

بالتالي انت لو أخفقت في اي دايت سابق دا مش علشان انت معندكش عزيمه ولا لانك مستهتر..

منجحتش في الاستمرارية علشان انت انسان طبيعي😃

من حقك تشبع وتاكل اكل كويس زي زميلك اللي ماعندوش سمنه..👀👀

وعلشان صعب تعيش كل عمرك تشتهي الاكل 

وتتمنى انك تحس انك شبعان وما تقدرش..

انت فقط سلكت الطريق الخاطئ غالبا..😥

لما الناس ماقدرتش تواصل كده ،،

واستمر اعتقادهم الخاطئ أن حالة الشبع او الاكل اللي اتربينا عليهم هم سبب مشكلتهم ،

نقموا على الاكل ،،

واتجهوا لعمليات تصغير حجم معدتهم علشان يقللوا كمية طعامهم لكميه لا تكفي طفل صغير..😥😥

(طبعا العمليات دي مهمه جدا لبعض حالات السمنة، لكن مش هي الحل الاول ابدا)

بعد فتره من العمليه ، كبرت معدتهم قليلا 

وسمحت لهم يملؤها بنفس نوعية الطعام الغير مناسب لاجسامهم، اللي سبب لهم السمنه قديما!!

وحتى بدون ماتكبر المعده،، الكارب والسكريات سهلين في أكلهم وفي هضمهم 

فـ بيكونوا الاختيار المفضل بعد العملية بعيدا عن البروتين والدهون..

مش محتاجه اقول النتيجه🚫

الحل لمعظم مرضى السمنه

هو تطبيق الأنظمة الغذائية منخفضة الكربوهيدرات

 (low carb diet) 

اللي الكيتوجينيك دايت أحدهم..