الكيتو فلو

share this :

كتبت : هاله سراج الدين

Keto Flu

الكيتو فلو ممكن يكون مصطلح جديد علينا خاصة الناس اللي لسه هتبدأ نظام الكيتوجينيك دايت الغذائي

هنحاول نوضح ماهو الكيتو فلو وليه بيحصلنا في بداية اتباع الدايت وايه هي الأعراض بتاعته وأزاي نقدر نتغلب عليها .

أولأ: ماهو الكيتو فلو واسباب حدوثه وأعراضه:

الكيتو فلو هو رد فعل طبيعي للجسم نتيجة تغيير النظام الغذائي المتبع

وبالتالي تغير مصدر الطاقة من الجلوكوز الي الكيتون

وبالتالي زيادة لحرق الدهون المخزنة واستهلاكها كمصدر للطاقة اللازمة للجسم.

أعراض الكيتو فلو او بمعني أصح انسحاب الكاربوهيدرات من الجسم:

– الصداع.

– الدوخة.

– الم في المعدة.

– غثيان.

– خفقان القلب او زيادة ضربات القلب.

– الم بالجسم او العضلات

– الرغبة الشديدة للسكريات او مايسمي بالكريفنج.

– عدم التركيز.

– الارق وعدم القدرة علي النوم.

– الشعور بالاجهاد والرغبة في النوم.

ايه اللي بيحصل بقي بالظبط وبيخلينا نحس بالاعراض السابقة لما بنبدأ نظام الكيتوجينك ونقلل كمية الكارب اللي بناخدها الي 20 جرام او أقل ؟

بيحصل ان كل المياة الزيادة المتخزنة في انسجة الجسم بتنزل وبتخرج من الجسم عن طريق البول

وطبعا بتاخد في طريقها الأملاح والمعادن اللي موجودة بالجسم واللي بتكون لازمة جدا للعمليات الحيوية .

عشان كدة في حالة عدم التعويض الجيد للاكترولايت (الاملاح والمعادن واهمهم صوديوم ومغنسيوم وبوتاسيوم)

بنشعر بالاعراض السابقة وبتستمر معانا فترة وممكن لو اهملنا التعويض

منقدرش اننا نكمل الدايت طبعا نتيجة قوة الاعراض وانخفاض الضغط مثلا.

مدة الكيتو فلو بيتختلف من شخص لاخر اقل فترة يومين او تلاتة ممكن توصل لاسبوع او اسبوعين بتختلف علي حسب عدة عوامل منها:

– النظام الغذائي المتبع قبل الكيتو وطبعا لو كان نظام غني بالكربوهيدات والسكريات ممكن أعراض انسحابها من الجسم تبقي صعبة شوية.

– مدي التزامنا بتطبيق نظام الكيتو من حيث زيادة الدهون بالكمية المطلوبة وفي المقابل تقليل الكارب لاقل من 20 جرام.

ازاي نقدر نتغلب علي اعراض الكيتو فلو ونعدي المرحلة دي بأمان:

– المحافظة علي تناول كميات كافية من المياة لتعويض الجسم الكميات الكبيرة المفقودة .

– زيادة ملح الصوديوم في الطعام لتعويض الانخفاض اللي بيحصل فيه .

– الاهتمام بشرب شوربة العضم Bone Proth هتساعد جدا جدا في تعويض الاملاح والمعادن اللي بتنقص في البداية او حتي طول فترة الدايت .

– الاهتمام بتناول مكمل المغنسيوم يوميا .

– تناول الخضروات الورقية والافوكادوا لتعويض نسبة البوتاسيوم بالجسم.

– مدي التزامنا بتطبيق نظام الكيتو من حيث زيادة الدهون بالكمية المطلوبة وفي المقابل تقليل الكارب لاقل من 20 جرام.

– كمان تقليل السكر الدايت بالتدريج او حتي منعه خالص هيساعد في منع الشعور بالكريفنج للحلويات.

– يفضل عدم ممارسة الرياضات العنيفة في البداية اول اسبوع اواتنين للحفاظ علي الالكترولايتس وايضا لتقليل الاجهاد .

– تناول زيت جوز الهند او MCT OIL هو مصدر خارجي للكيتونات وهيساعد جداا في الدخول سريعا الي الكيتوسيز .

share this :

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *