كتبت د. ساره يسري
❤️قواعد الكيتو الاربعون❤️
١- اقرأ النظام و افهمه كويس جداً قبل ما تبدأ
٢- الكيتو مافيهوش جدول للأكل
٣- متبالغش في البروتين
٤- نوّع في مصادر الدهون الصحية 🥑🥥
٥- متحددش مواعيد وجباتك سيبها للجوع
٦- اشرب مياه وسوائل بدون سكر ولا اضافات بين الوجبات
٧- ابعد عن الأكل المصنع قدر الإمكان
٨- قنن من اكل الاجبان ومنتجات الالبان المسموحة
٩- اي حاجه عليها سكر في مكوناتها ممنوعه
١٠- الزيوت النباتية ممنوعه لانها مضرة بالصحة لكن مش بتخرج من الكيتوزيس
١١- قنن المكسرات
١٢- المغات مش معانا🙈
١٣- كل الفواكه ممنوعه الا فراوله وتوت وافوكادو وممكن كريز للناس اللي بقالها فترة في الكيتو 🍓
١٤- لو مبتدئ ضبط أملاحك
١٥- ارجع للنقطة ( ١ )علشان تعرف يعني ايه تضبط أملاحك
١٦- اطبخ في البيت احسن و اضمن
١٧- لا تثق في كلام الشيف في المطعم ، هو حاطط ممنوعات وبينكر😂
١٨- متعملش ريفيد
١٩- لو كلت ممنوعات بالغلط تجاهل وكمل طبيعي
٢٠- لو عملت ريفيد صوم قد ماتقدر وكمل بعد الصيام طبيعي
٢١- لو عملت ريفيد هتندم
٢٢- الريفيد وحش جدا ومش هتعرف تلتزم تاني بعده🤦🏻♀️
٢٣- استمتع بالكيتو و انسى الكارب
٢٤- متخرجش في مطاعم وانت جعان الا لو ضامن ان فيها اكل يناسبك
٢٥- حاول تنام كويس
٢٦- الورقيات كويسه ومهمه في الاول لكن مش اجباري ، لو مش بتحبها بلاش تاكلها .🥬
٢٧- الأفوكادو طعمه مش حلو ومش فاكهه اصلا بس مفعوله عالصحه سحر🥑🥑
٢٨- طول ما انت بتسال معانا وللا مش معانا، يبقى انت محتاج تفهم النظام وتقرأ عنه تاني
٢٩- البيض صديق جيد للكيتونيين فيه بروتين ودهون بنسب كيتونيه بامتياز.🍳🍳
٣٠- نوع مصادر البروتين واهتم بالمصادر الصحيه دايما 🥩🍗🍤🍖
٣١- الخضار المجمد مش ممنوع بس الفريش هو الاختيار الافضل
٣٢- الفواكه المسموحة تاكلها أفضل ما تشربها عصير
٣٣- لو هتاكل برا بلاش الحاجات اللي ماتعرفش مكوناتها
يعني خليك في اللحوم بشكلها الطبيعي بلاش كفته مثلا
٣٤- الكيتو بيخسس بمعدل طبيعي مش هتخس ٥ كيلو فالاسبوع
٣٥- أول أسبوع نزول كبير معظمه ميا
٣٦- مش لازم تفضل كيتو طول عمرك ممكن تخس وبعدها تعيش بـ اي نظام تحبه
٣٧- بعد الكيتو لو كلت اكل يتخن هتتخن لو كلت اللي يخسسك هتخس😃
٣٨- البوليت بروف ( قهوه بالزبدة ) مش اجباري
٣٩- الدايت بيبسي وسفن اب تشربهم لو مضطر فقط ومنعهم افضل.
٤٠- لو التزمت هتخس،،التزم❤️
