metabolic syndrome
هل ده علشان بينزل الوزن فـ بتتحسن المقاومة مع نزول الوزن ؟
ولا علشان الكربوهيدرات نفسها وحشة ملهاش دعوة بنزول الوزن ؟
ده واحدة من أكتر الحاجات اللي بتوع الغدد الصماء و بتوع التغذية بيشبطوا فيها ،
لأن لو كانت الفكرة في تحسن الوزن يبقى خس بأي طريقة عايزها
و الكربوهيدرات برئية من موضوع المتلازمة ده
و المفروض الناس اللي بتأييد الكيتو تنشر اعتذار رسمي للكارب .
************************
طيب علشان نثبت أن علاج متلازمة التمثيل الغذائي metabolic syndrome
و بالبلدي علاج مقاومة الانسولين ملهوش دعوة بنزول الوزن
و إنه بسبب كمية الكربوهيدرات .
يبقي لازم نجيب ناس بيعانوا من المتلازمة دي و نقسمهم عشوائيا ل ٣ مجموعات ،
مجموعة تاكل كربوهيدرات عالية و دهون قليلة
و مجموعة متوسطة في الكارب و الدهون
و مجموعة قليلة الكارب عالية الدهون و نثبت البروتين في التلاتة .
ونأكلهم نفس السعرات بحيث ميخسوش خلال مدة الدراسة .
ونقيس السكر ، الدهون الثلاثية ، محيط الوسط و الضغط
و الكوليسترول النافع HDL و الكوليسترول الضار small Particles LDL .
و نشوف النتائج إيه .
لو اتحسن السكر و قلت الدهون الثلاثية
و اتحسن الكوليسترول النافع مع تقليل الكربوهيدرات
يبقى الكربوهيدرات نفسها مضرة ملهاش دعوة بنزول الوزن بقي .
ساعتها المؤيدين للكيتو مش هيقفوا قدام صورة طبق الفاكهة و يقولوله
I failed you .
لحسن الحظ من كام يوم نزلت دراسة لباحثين من امريكا ،
عملوا نفس اللي قلت عنه فوق ،
جابوا ١٦ راجل و ست وزنهم كبير و قسموهم ٣ مجموعات برضه
و اتحسن السكر والدهون الثلاثية و الكوليسترول مع المجموعة الكيتو ،
مش بس كدة قلت كمان الدهون المشبعة في المجموعة بتاعت الكيتو
بالرغم من إنهم بياكلوا دهون مرتين و نص اكتر من المجموعة اللي بتاكل هاي كارب .
القصد
دي مش اول دراسة ، أنا قبل كده عرضت دراسة ثانية في م
حاضرة الكيتو و علاج مرض السكر علي اليوتيوب .
الجميل في الدارسة دي أن medscape ( واحد من أكبر المواقع الطبية المحترمة ) اتكلم عنها .
قال ببساطة الكربوهيدرات نفسها كخة
مش نزول الوزن اللي بيحسن ال metabolic syndrome لوحده .
أي نعم العدد صغير و لكن ده لضعف التمويل ،
ادوهم فلوس كتيرة هيعملوا دراسات اكبر .
رغم صغر العدد إلا أن تصميم الدراسة جيد جدا .
