مشكلتنا مع استعمال المضاد الحيوي بتتلخص فيه حاجتين .
١- استعماله الغير كامل incomplete course
لان دة بينتج مقاومة للبكتيريا
و نشوء أنواع جديدة من البكتيريا الضارة المقاومة للمضادات الحيوية عن طريق التكيف .
الضربة اللي مش بتموت البكتريا بتقويها .
٢- قتل البكتيريا النافعة
و بالتالي السماح بانتشار بكتيريا ضارة بالنمو داخل الأمعاء و القولون gut dysbiosis .
وده ممكن يعرضك لزيادة الوزن و الاكتئاب و حاجات تانية يطول شرحها
الخلاصة
لو تعبان فعلا و الدكتور وصف مضاد حيوي يبقي تاخد الكورس كامل و بعد ما تخف ،
تشتري بروبيوتيك ( فيه أنواع كثيرة أشهرها اللاكتوباسيلس )
تستعملها لفترة أسبوعين لشهر علشان ترجع التنوع في البكتريا النافعة تاني لجهازك الهضمي .