Carb Blockers

share this :

هل ال carb blocker ( مثبطات الكاربوهيدرات ) فعال وهل له اثار جانبيه ؟

 

 

 

 

الإجابة

  

 ال carb blockers او مثبطات الكاربوهيدرات 

هي عبارة عن إنزيمات تمنع تكسير الكربوهيدرات المعقدة إلى جلوكوز 

و بالتالي بتقلل  امتصاص الكربوهيدرات و في بعض الدراسات وجدوا أنها بتأخر عمل الأنزيم فقط مش بتقلله .

بمعني لما تاكل بطاطس مثلا ، الكربوهيدرات بتبقي في شكل سلسلة طويلة من الجلوكوز ماسك في بعضه ، فيه انزيمات بقي مسؤولة عن تكسير الروابط بين الجلوكوز 

علشان يمتص بسهولة زي الأميليز amylase و الألفا جلوسيداز alpha glucosidase .

القصد لما بنمنع الإنزيمات دي الكربوهيدرات هتفضل في القولون 

و نسبة منها هتمتص ببطء و نسبة منها تنزل مع الإخراج

 .

أنواع مثبطات الكاربوهيدرات المعروفة لنا  :-

١- أدوية تقلل امتصاص الكربوهيدرات عن طريق تثبيط انزيم الفا جلوكوسيديز                       واشهرهم دواء اسمه أكاربوز Acarbose .

وده بيستعمل في علاج مرضى السكري من النوع الثاني و لكنه مش بيستخدم بكثرة ، له كمان بعض الاستخدامات في السمنة

 .

٢- بروتينات مستخرجة من البقوليات تحتوي على مثبطات الفا اميليز alpha amylase.

 

غالبا الدوشة جاية من هنا ، 

لأنها مكملات غذائية و مش محتاجة تصريح من هيئات الدواء و لا محتاجة روشتة . 

وبالتالي  غير المتخصصين بيروجوا لها

 .

 البروتينات دي بتمنع الانزيم و لكن وجدوا أن تأثيرها علي امتصاص الكربوهيدرات ضعيف 

رغم قدرتها على منع الأنزيم العالية

 .

يعني في دراسة مثلا ، لقوها منعت الأنزيم حوالي ٩٦% إنما مأثرتش على تقليل امتصاص الكربوهيدرات الا ٧% . 

وده خلى الباحثين يقولوا أن مثبطات الكربوهيدرات مجرد عامل لتأخير الامتصاص مش منعه

 .

طيب هل لها تأثير على نزول الوزن ؟

تأثير ضعيف يعني ٢ كيلو في كام شهر .

أنت في الكيتو بتاكل وشنا لو نزلت ٢ كيلو في شهر مع انك مش بتجوع في الكيتو

طيب مهو دي بتمنع الكربوهيدرات

 .

ممكن اعمل ريفيد و اضرب منها برشامتين ؟

زي ما وضحت لك انها بتمنع تكسير الكربوهيدرات المعقدة إلى جلوكوز و بالتالي كشخص عايز ياكل حلويات وفاكهة مش حتأثر في حاجة 

لأن السكريات اللي فيهم بسيطة مش معقدة 

و بالتالي مفيش تأثير عليها من مثبطات الكربوهيدرات

 .

جايز تنفع معاك لو حتعمل ريفيد علي بطاطا حلوة أو بطاطس او شوية رز ، 

بس افتكر انها مش بتمنع الامتصاص إلا بنسبة بسيطة 

و بالتالي هيفضل السكر يعلى في الدم بس بدل ما يعلي في نص ساعة ، 

هياخد وقت أطول

 .

الاعراض الجانبية 

شوية انتفاخات و غازات و تقلصات و بعض حالات الإسهال 

زيها زي أي أعراض عدم الامتصاص malabsorption.

 

الخلاصة

 

١- أنت على الكيتو مش محتاجها علشان تخس و لا علشان تشبع

٢- متنفعش تساعدك لو حتعمل ريفيد لأنها بتشتغل ع السكريات المعقد مش البسيطة .

٣- لو هتاخد منها يبقى الأفضل  (الاركاربوز Acarbose )للأسف الشديد مش متوفر في مصر و لازم تستشير الطبيب الأول .

لينك الدراسة التي استشهدت بها

 .

https://www.ncbi.nlm.nih.gov/pubmed/2440298?fbclid=IwAR0NrIlOYCM2Yc728qRgbsxJhLRTCRiSAPS2f__-5foNG-C1Sgg6n6AHMcA

share this :

عن admin

د.محمد الصباغ . طبيب مختص غدد صماء و سكر. بالمملكة المتحدة .. زميل الكلية الملكية ببريطانيا MRCP UK حاصل على شهادة الاختصاص العليا في الغدد الصماء والسكر من الكلية الملكية. SCE endocrinology and diabetes مهتم بأبحاث السمنة والتغذية العلاجية كجزء من التخصص الدقيق.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *