الرئيسية » الكيتوجينيك دايت » هل حساب السعرات دائماً صحيح ؟؟ 

هل حساب السعرات دائماً صحيح ؟؟ 

share this :

كتبت د. ساره يسري

هل حساب السعرات العامه للاكل دايما صحيح ؟؟ 

 

لأ مش دايماً.. 

ده بيرجع لسببين :

١-البرامج المخصصة لحساب السعرات نفسها مش دقيقه بالشكل الكافي 

اللي يجبرنا نمشي عليه ولا نحيد عنه.

٢-الأكل اللي داخل جسمك يختلف من حيث النوعية 

و ده بيخلي مساره مختلف في الأيض و تأثيره على الجسم مختلف.

بسبب النقطتين دول التزم البعض مننا بإحساس الجوع والشبع كمؤشر جيد للسعرات اللي بنحتاجها

مع الالتزام التام بنسبة الكارب لا تتخطى ٢٠ جم 

والالتزام بالبروتين الطبيعي واستخدام الدهون باعتدال من مصادر صحية كمان .

لو ماعندكش تقدير للكارب ومش عارف يعني ايه ٢٠ جم 

احسب الكارب إلى أن تعرف تقدر الوجبة .

لو ماعندكش تقدير لحالة الجوع الحقيقي والشبع بدون امتلاء 

احسب أكلك كله وشوف إذا بتخس اعتبر دي سعرات جسمك اللي محتاجها في الوقت الحالي علشان تخس.

لو لقيت نفسك وزنك بيزيد او ثابت احسب لمدة ٣ ايام متواصله 

وشوف طبيعة يومك بتمشي ازاي وقرر بناء عليها ايه اللي هتقلله و ايه هتلغيه و هتاكل نوعية كذا من الاكل امتى.

بلاش تقللوا الوجبة عشان تخسوا 

لان دا بيقلل معدل نزول الوزن بعد فتره من تكيف الجسم على السعرات الجديده.

ما تسألوش لينا اد ايه خيار مثلا في اليوم ،،

 يومك انت اللي تعرف محتواه وتعرف الكارب بتاعك يسمح بـ اد ايه من اي نوع خضار.

ما تمنعوش حاجه بالمطلق طالما مسموح (keto friendly) ،،

شويه مكسرات صغيرين مش هيضروك لو واخدهم ضمن الكارب بتاعك ..

لو اي لخبطه حصلت في اكلك عدلها تاني يوم ، مش نهاية العالم.

الصيام كويس ومهم ،

بس احنا ف كيتوزيس بالالتزام مش بالصيام ،

الصيام ما هو إلا عامل مساعد

و أمان لعدم زيادة الكارب ✅

وتعزيز لحاله الكيتوزيس اللي انت عليها، ✅

وتهذيب لعاداتك الغذائية الخاطئة لانه بيخليك تبطل اكل بدون سبب..

بالتالي مفيش مشكله لو شربت كاكاو بين الوجبات مع انه بيكسر الصيام،،

او خدت ٣٠ جم كمعدل متوسط من المكسرات لأي سبب وليكن شوية طاقة تاخدهم..

قادر تصوم صيام مظبوط بدون حاجه تكسره صوم، نفسك اشتهت حاجه خدها ،

خلي في شويه مرونه مع النظام ومع جسمكم.

ألزمناكم بـ كيسين سكر بديل , خوفا من ارتفاع الانسولين عند البعض 

ومن الكريفنج اللي بيحصل بعد أكل الحاجة المسكرة ،،

وانت خلصتهم وليك مزاج تشرب كوباية شاي وتضيف كيس زياده ،

 و تجربتك مع السكر ان وزنك بينزل عادي ،، زود الكيس عادي.

قيسوا على ذلك كل الاكل المسموح ،، 

طالما بتحسب إما بـ أبليكيشن او بالخبره يبقى انت مرشد نفسك في الكيتو ❤️

الكلام دا كتبنا في سياقه مقالات كتير بس لازم الجدد يقروه✅✅

share this :

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *