الرئيسية » الكيتوجينيك دايت » الكيتو والأمراض » الكيتو دايت و التهاب المفاصل

الكيتو دايت و التهاب المفاصل

share this :

يعمل إيه الكيتوجينيك دايت في مفصل ضايع؟! 🤔

 

هل في فرق بين الكيتو دايت وأي نظام غذائي تاني في علاج خشونة/ التهاب المفاصل؟

 

سؤال مهم لكل بيت مصري / عربي

معلوم من الطب بالضروره الارتباط الوثيق بين الإصابة بالتهابات المفاصل

والارتفاع الجنوني في نسب السمنه و زيادة الوزن في العالم عموماً وفي وطننا العربي و مصر بالأخص

 

قليل أوي لما يكون في بيت خالي من حد بيشتكي من آلام رقبه/ظهر/ركبه/فقرات

أو من آلام مزمنه في العظام

أو من روماتويد، روماتيزم، التهاب أعصاب ناتج عن مرض السكر أو غيره من مسببات التهاب الأعصاب

 

طب إيه دور الأكل في المعاناه دي؟

 

اكتشفو علاقه وثيقه بين استخدام الكربوهيدرات وارتفاع نسب الإصابه بالتهابات المفاصل

مش كل الكربوهيدرات عشان منظلمهاش. أكتر حاجه بتسبب الالتهابات دي هي السكريات

بس كده؟

لأ كمان وجدوا إن التعرض لكميات كبيره من السكريات مع عوامل تانيه كتير مش بس بتعمل التهابات وآلام مزمنه. دي كمان بتسرع عملية الشيخوخة المبكره.

واللي اكتشفو إن الكيتو دايت بيقللها بشكل كبير من ضمن شوية حاجات كده هنتكلم فيها 👇

 

يعني الكيتو له تأثير على الالتهابات دي؟

أيوه وتأثير مبهر وكبير كمان….

 

بدأ الكلام عن أثر الكيتو على الصرع واللي أثبت نجاحه في علاج الصرع.

طب ماهو الألم والإحساس بالألم قريب من فكرة الصرع.

مش يمكن يطلع بيعرف يعالجه هو كمان؟

 

فعلاً جربو على الفئران بعد ما قسموهم لمجموعتين. واحده بيأكلوها أكل عادي فيه كارب. والمجموعة التانيه بيأكلوها أكل كيتوجينيك عالي الدهون، قليل الكربوهيدرات

ويدرسو إحساسها بالألم عن طريق حاجه سخنه ” ألم اللسع”

المفاجأة بقى ان الفئران اللي على كيتو لقوا إن إحساسها بالألم وتفاعلها مع الصدمه الحراريه دي بيقل كل ما دخلت في كيتوزيس

يعني في الأسبوع العاشر مثلاً لقوا الإحساس ده قل عن الأسبوع الأول

 

يعني الإحساس بالألم والتفاعل معاه بيزيد كل ما دخل الجسم في كيتو أدابتد

و وجدوا كمان إن نقص الإحساس بالألم ده مرتبط جداً وحصرياً بالكيتو دايت عن أي ريجيم غذائي تاني

 

 

مش بس كده

لقوا كمان إن زيادة الأحماض الدهنيه وخصوصاً الغير مشبعه طويلة السلسله “PUFA”

واللي بالفعل متوفره بكميات كبيره في الكيتوزيس

بتدخل في عمليه معينه بتفعل مستقبلات حسيه بدورها بتقلل الالتهابات والآلام الناتجه عنها

 

 

لقوا كمان إن تكسير الكيتونات بيرفع أوي من مستوى ماده اسمها الأدينوسين ومعاها GABA

و دي من أفضل مضادات الالتهابات

ليهم تأثير مثبط للإحساس بالألم في الجهاز العصبي

 

كمان تكسير الكيتونات بينتج عنه كميات أقل بكتير من الكربوهيدرات من الـ

Free radicals, reactive oxygen species

واللي تعتبر من أكتر مسببات الالتهابات

يعني مع الكيتو. بتقل فضلات التكسير اللي بتعمل التهابات في المخ والكبد

 

 

والجميل كمان إنهم لقوا إن الصيام المتقطع، و المطول. لهم دور كبير أوي في تقليل الالتهابات،

تنضيف الجسم من خلايا المناعه العطلانه، وفوايد كتير مرتبطه بالشيخوخه المبكره..

ودي حاجه بيضمنها لك الكيتو دايت بخلاف أي نظام غذائي تاني متقدرش توصل فيه لأيام من الصيام بدون أي توابع أو أضرار

 

خلاصة القول :

معاناة آلام العظام والمفاصل للأسف من الحاجات اللي بتبهدل أي حد.

زيارات متكرره لدكاتره، علاجات لا نهاية لها،

حاله نفسيه وجسمانيه مفيش أسوأ منها، معاناه في اليقظة والمنام

 

 

إيه المانع اننا نجرب نظام غذائي أثبت فاعليته في علاج أمراض كتير

زي الصرع، السكر، دهون الكبد، إلخ..

مكذبش اللي قال ” الكارب أساس كل كرب” 😊

 

الكيتوجينيك دايت ” أو الريجيم عالي الدهون قليل الكربوهيدرات” كل يوم بيثبت بالأبحاث والدراسات

انه علاج فعّال لكتير من أمراض مكانش حد يتخيل انها تتعالج بأكل. وإن سبب كبير لها أكل

كتبه .. د/ مصطفى محمود

share this :

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *